চিটাৰা ডেস্ক, 30 জুন : মহাৰাষ্ট্ৰত ভাঙি পৰিল শিৱসেনাৰ চৰকাৰ । শিৱসেনাৰ নেতা উদ্ধৱ ঠাকৰেয়ে যোৱা নিশা মহাৰাষ্ট্ৰৰ মুখ্যমন্ত্ৰী পদৰ পৰা পদত্যাগ কৰে । এতিয়া এই সমগ্ৰ ঘটনাটোৰ ওপৰত বলীউডৰ অভিনেত্ৰী কংগনা ৰানাৱটে উদ্ধৱ ঠাকৰেক সমালোচনা কৰিছে (Kangana Ranaut vs Uddhav Thackeray) । কংগনাই ছ'চিয়েল মিডিয়াত এটা ভিডিঅ' শ্বেয়াৰ কৰিছে য'ত তেওঁক মুকলিকৈ স্পষ্টভাৱে নিজৰ চিন্তা প্ৰকাশ কৰা দেখা গৈছে ।
- " class="align-text-top noRightClick twitterSection" data="
">
"যেতিয়া পাপ বৃদ্ধি হয়, তেতিয়াই সৰ্বনাশ হয়"
কংগনাই তেওঁৰ ইনষ্টাগ্ৰাম একাউণ্টত এটা ভিডিঅ' পোষ্ট কৰি কয়, "যেতিয়া পাপ বৃদ্ধি হয়, তেতিয়াই সৰ্বনাশ হয়"। চাওক কংগনাৰ ভিডিঅ’টো-
কংগনাৰ এই ভিডিঅ'টোত বিভিন্ন প্ৰতিক্ৰিয়া আহিছে (Kangana Ranaut instagram) । এজন ছ’চিয়েল মিডিয়া ব্যৱহাৰকাৰীয়ে কৈছে যে আপুনি শুদ্ধ, মেডাম । আন এজনে আকৌ কৈছে, 'নিজৰ কামৰ ফল পাইছে উদ্ধৱ ঠাকৰেই'। বহুতো ছ’চিয়েল মিডিয়া ইউজাৰে কংগনাৰ সমৰ্থনত মন্তব্য কৰিছে ।
2020 চনত বিএমচিয়ে কংগনা ৰানাৱটৰ কাৰ্যালয়ৰ 'অবৈধ অংশ' বুলডোজাৰেৰে ভাঙি পেলাইছিল । পিছদিনা, শিৱসেনাৰ মুখপত্ৰ 'সামনা'ত এই বাতৰিটো প্ৰকাশ হৈছিল ৷ বাতৰিটোৰ শিৰোনাম আছিল, 'উৎখাত' । ৰাজ্যসভাৰ সাংসদ সঞ্জয় ৰাউত 'সামনা'ৰ সম্পাদক ।
ইয়াৰ পিছৰে পৰাই কংগনাই শিৱসেনাক লৈ বিভিন্ন সময়ত বিভিন্ন মন্তব্য দি আহিছে ৷ ইয়াৰ আগতেও কংগনাই মহাৰাষ্ট্ৰত চলি থকা ৰাজনৈতিক সংকটক লৈ উদ্ধৱ ঠাকৰে আৰু শিৱসেনাক কথাৰে আঘাত কৰিছিল (Maharashtra news)।
লগতে পঢ়ক : মৃত্যুৰ ভাবুকি লাভ কৰিছে বলীউডৰ সাহসী কণ্ঠ স্বৰা ভাস্কৰে
