চিটাৰা ডেস্ক, 21 অক্টোবৰ: ৯০ দশকৰ আটাইতকৈ জনপ্ৰিয় অভিনেত্ৰী কাজলে বৰ্তমানেও নিজৰ অভিনয় আৰু গ্লেমাৰাছ লুকৰ দ্বাৰা ছ’চিয়েল মিডিয়াত আধিপত্য বিস্তাৰ কৰি আছে ৷ কাজল এনে এগৰাকী অভিনেত্ৰী যাৰ প্ৰতিটো লুকে অনুৰাগীৰ খুবেই পচন্দ কৰে ৷
শেহতীয়াকৈও অভিনেত্ৰীগৰাকীৰ এটি লুকে ছ'চিয়েল মিডিয়া জগতৰ খুবেই ভাইৰেল হৈ পৰিছে ৷ বিগত সন্ধিয়া হালধীয়া ৰঙৰ শাৰী পিন্ধি দুৰ্গা পূজা পেণ্ডেলত উপস্থিত হৈছিল কাজলে, য’ত অনুৰাগীয়ে তেওঁৰ লুকক প্ৰশংসাৰে উপচাই তুলিছিল ৷
দৃষ্টি আকৰ্ষণ কৰিলে কাজলে
প্ৰতি বছৰৰ দৰে এইবাৰো বলীউডৰ অভিনেত্ৰী কাজলে নৱৰাত্ৰিৰ সময়ত মা দুৰ্গাৰ পেণ্ডেলত উপস্থিত হৈছিল পূজাৰ বাবে ৷ দুৰ্গা পূজা উপলক্ষে অভিনেত্ৰীগৰাকীয়ে পিন্ধিছিল হালধীয়া ৰঙৰ এখন শাৰী ৷ ৰঙা ব্লাউজৰ সৈতে হালধীয়া ৰঙৰ এই শাৰী, খোপা আৰু হাতত ৰঙা খাৰু পৰিধান কৰাত কাজলক খুবেই ধুনীয়া দেখা গৈছিল ৷
বিগত সন্ধিয়াৰ পৰা কাজলৰ দুৰ্গা পূজাৰ লুক ছ’চিয়েল মিডিয়াত ভাইৰেল হৈ পৰিছে ৷ ভাইৰেল ভিডিঅ’টোত কাজলক প্ৰথমে মঞ্চত আৰোহণ কৰা দেখা গৈছে, য’ত তেওঁক সকলোৰে সৈতে কথা পাতি থকা দেখা গৈছে ৷ তাৰ পিছত অভিনেত্ৰীগৰাকীয়ে মা দুৰ্গাৰ মূৰ্তিৰ সন্মুখত গৈ বহি থকা দেখা যায়, য’ত ইতিমধ্যে একাংশ মহিলাই দেৱী দুৰ্গাৰ পূজা অৰ্চনা কৰি থকা দেখা গৈছে ৷ কাজলৰ দুৰ্গা পূজা পেণ্ডেলৰ ভিডিঅ’ ভাইৰেল হোৱাৰ পিছতে নেটিজেনে ছ’চিয়েল মিডিয়াত অভিনেত্ৰীগৰাকীক প্ৰশংসা কৰিবলৈ আৰম্ভ কৰিছে ৷
কাজলৰ ৱৰ্কফ্ৰন্ট
শেহতীয়াকৈ অভিনেত্ৰী কাজলে লাষ্ট ষ্ট’ৰীজ ২ ছবি আৰু ৱেব ছিৰিজ দ্য ট্ৰাইল ৱেব ছিৰিজত অভিনয় কৰিছে ৷ যদি আমি কাজলৰ ৱৰ্ক ফ্ৰণ্টলৈ চাওঁ তেন্তে অভিনেত্ৰীগৰাকীয়ে কুচ কুচ হোতা হ্যে, দিলৱালে দুলহনিয়া লে জায়েংগে, কভি খুছি কভি গম, মাই নেম ইজ খান ইত্যাদিৰ দৰে ছুপাৰহিট ছবিত অভিনয় কৰিছে ৷ ইফালে কাজলে আন এখন ছবি 'দো পত্তিত' শীঘ্ৰেই দেখিবলৈ পোৱা যাব যি অটিটিত মুক্তি পাবলৈ গৈ আছে ৷
লগতে পঢ়ক: Elvish Manisha Bolero Song: মনীষা ৰাণী-এলভিছ যাদৱৰ গীত 'বলেৰো' মুকলি
