চিটাৰা ডেস্ক, 28 এপ্ৰিল: মুম্বাইৰ বিশেষ চিবিআই আদালতে শুকুৰবাৰে ৰায় প্ৰদান কৰিলে জিয়া খানৰ চাঞ্চল্যকৰ আত্মহত্যা গোচৰৰ ৷ জিয়াৰ খানৰ আত্মহত্যাত উচটনি দিয়াৰ অভিযোগত অভিযুক্ত সূৰজ পাঞ্চোলিক দোষমুক্ত ঘোষণা কৰে আদালতে ৷ 2013 চনৰ 3 জুনত মুম্বাইৰ ফ্লেটত চিপ লৈ আত্মহত্যা কৰিছিল জিয়াই ৷ জিয়াৰ মৃত্যুৰ দহ বছৰ পিচত ৰায় প্ৰদান কৰে আদালতে (Jiah Khan case verdict) ৷
আদালতৰ ৰায়দানৰ পিচতে সূৰজে ছ’চিয়েল মিডিয়াত পোষ্ট শ্বেয়াৰ কৰি ৰায়দানক প্ৰশংসা কৰে ৷ আনহাতে জিয়াৰ মাতৃ ৰাবিয়া খানে কয় যে তেওঁ উচ্চ ন্যায়ালয়লৈ যাব আৰু প্ৰয়োজন হ’লে ইচ্ছুক ন্যায়ৰ বাবে উচ্চতম ন্যায়ালয়লৈও যাব (Jiah Khan case verdict reactions) ।
জিয়া খানৰ আত্মহত্যাৰ গোচৰত আদালতে ৰায়দান দিয়াৰ পিচতে সূৰজে নিজৰ ইনষ্টাগ্ৰাম ষ্ট’ৰীত লিখিছিল, “সত্যৰ সদায় জয় হয়,” লগত হাত ভাঁজ কৰা ইমোজি আৰু ৰঙা হৃদয়ৰ ইমোজীও শ্বেয়াৰ কৰে অভিনেতাগজনে । সূৰজে নিজৰ পোষ্টটোৰ সামৰণিত "#God Is Great" বুলিও কয়।
আনহাতে আদালতৰ ৰায়দান সন্দৰ্ভত জিয়াৰ মাতৃ ৰাবিয়া এক প্ৰকাৰ হতাশ হৈ পৰিছে । আজি আদালতৰ বাহিৰত সংবাদ মাধ্যমে ৰাবিয়াক আগুৰি ধৰিছিল আৰু চিবিআই আদালতৰ ৰায়দানৰ পিচত ৰাবিয়াক তেওঁৰ পৰৱৰ্তী পদক্ষেপৰ বিষয়ে প্ৰশ্ন কৰিছিল সাংবাদিকে (Rabia Khan on Jiah Khan case verdict) । এটা দশক ধৰি এই গোচৰৰ বিৰুদ্ধে যুঁজি থকা ৰাবিয়াই কয় যে, তেওঁৰ কন্যাই ন্যায় পাব আৰু উচ্চ ন্যায়ালয়ত আবেদন কৰিব ৷ যদি প্ৰয়োজন হয় উচ্চতম ন্যায়ালয়লৈও যাব ।
এইটো আত্মহত্যাৰ গোচৰ বুলি বিচাৰ বিভাগৰ স্থিতিৰ প্ৰতিদ্বন্দ্বিতা কৰি ৰাবিয়াই নিজৰ কন্যাক হত্যা কৰা বুলি দাবী কৰি আহিছে (Sooraj Pancholi on Jiah Khan case verdict) । আদালতৰ ৰায়দানৰ পিচতো মাতৃ ৰাবিয়াই কয়, "মোৰ কন্যাৰ ন্যায় বিচাৰি মই যুঁজ অব্যাহত ৰাখিম । মই যুঁজিম । এই ৰায়দানত মই আচৰিত হোৱা নাই কাৰণ মই এয়া আগতেই অনুমান কৰিছিলোঁ । এইটো আত্মহত্যাৰ গোচৰ নহয় ই হত্যাৰ গোচৰ ।"
2013 চনৰ ৩ জুনত জুহুৰ ঘৰত মৃত অৱস্থাত উদ্ধাৰ হৈছিল আমেৰিকান নাগৰিক জিয়া (২৫) । পিচত আৰক্ষীয়ে ছয় পৃষ্ঠাৰ চিঠিৰ ভিত্তিত সূৰজক গ্ৰেপ্তাৰ কৰিছিল (Jiah Khan suicide case verdict) ।
লগতে পঢ়ক: Jiah Khan Suicide Case: জিয়া খানৰ আত্মহত্যাৰ গোচৰত আদালতৰ ডাঙৰ ৰায়দান
