চিটাৰা ডেস্ক, 16 ছেপ্টেম্বৰ: কৰীণা কাপুৰ খান আৰু শ্বাহিদ কাপুৰৰ ‘জব উই মেট’ সকলোৰে মাজত আজিও অতি জনপ্ৰিয় ৷ ২০০৭ চনত মুক্তিলাভ কৰা এই ৰোমান্টিক-কমেডী ছবিখন আছিল ব্লকবাষ্টাৰ আৰু আজিও এই ছবিখনে মানুহৰ হৃদয়ত এক সুকীয়া স্থান গ্ৰহণ কৰি আছে ৷ অনুৰাগীয়ে প্ৰায়ে এই ছবিখনৰ ছিকুৱেলৰ দাবী কৰি থাকে আৰু শেষত অনুৰাগীৰ এই ইচ্ছা যেন পূৰণ এতিয়া পূৰণ হ’বলৈ গৈ আছে ৷ এক প্ৰতিবেদন অনুসৰি ‘জব উই মেট’ৰ ছিকুৱেলৰ বাবে প্ৰস্তুতি চলোৱা হৈছে ৷
‘জব উই মেট’ৰ ছিকুৱেল হ’বনে ?
সংবাদ মাধ্যমত প্ৰকাশিত এক বাতৰি অনুসৰি গন্ধাৰ ফিল্মছৰ বেনাৰত ৰাজ মেহতাই প্ৰযোজনা কৰিব ‘জব উই মেট’ৰ ছিকুৱেল ৷ যদি বিশ্বাস কৰা হয় তেন্তে ছবিখনৰ ছিকুৱেল সংস্কৰণ ইমতিয়াজ আলীয়ে পৰিচালনা কৰিব ৷ তেওঁৱেই 'জব উই মেটো পৰিচালনা কৰিছিল ৷ অৱশ্যে ‘জব উই মেট ২’ সন্দৰ্ভত এতিয়াও নিৰ্মাতাসকলে কোনো আনুষ্ঠানিক ঘোষণা কৰা নাই ৷
কৰীণা আৰু শ্বাহিদক পুনৰ দেখা যাব ‘জব উই মেট ২’ত ?
‘জব উই মেট ২’ৰ আগমনৰ খবৰৰ লগে লগে ছবিখনৰ তাৰকা অভিনেতা কৰীণা কাপুৰ খান আৰু শ্বাহিদ কাপুৰে ইয়াৰ ২য় খণ্ডৰ বাবে পুনৰ একত্ৰিত হ’বনে আৰু গীত আৰু আদিত্যৰ চৰিত্ৰত অভিনয় কৰিব নে নাই সেই বিষয়েও আলোচনা আৰম্ভ হৈছে ৷ পুনৰ তেওঁলোকে সেই একে চৰিত্ৰতে অভিনয় কৰিব নে নাই বৰ্তমান সেয়াও এক প্ৰশ্ন হৈ আছে ৷
ইয়াৰ লগতে আপোনালোকক জনাই দিও যে, ছবিখনৰ ছিকুৱেলৰ বিষয়ে উৰাবাতৰি ইণ্টাৰনেটত বিয়পিবলৈ আৰম্ভ কৰিছিল যেতিয়া শ্বাহিদ কাপুৰে ইয়াৰ সম্ভাৱনাৰ বিষয়ে অলপ ইংগিত দিছিল ৷ খবৰ অনুসৰি, ভেলেণ্টাইন ডে’ত অভিনেতাজনৰ এজন অনুৰাগীয়ে তেওঁক ইমতিয়াজ আলীৰ সৈতে সঘনাই হোৱা কথা-বতৰাৰ বিষয়ে সুধিছিল ৷ এই বিষয়ে শ্বাহিদ কাপুৰে কৈছিল, ‘স্মাৰ্ট বয়’ ৷
‘জব উই মেট’ৰ ছিকুৱেল সন্দৰ্ভত কি ক’লে শ্বাহিদ কাপুৰে ?
উল্লেখ্য যে, কিছুদিন পূৰ্বে জব উই মেট ছবিগৃহত পুনৰ মুক্তি লাভ কৰিছিল ৷ কিন্তু সেই সময়ছোৱাত শ্বাহিদ কাপুৰক এই আইকনিক ছবিখনৰ ছিকুৱেলত ভূমিকা ল’ব বিচাৰে নেকি বুলি সোধা হৈছিল ৷ ইয়াৰ উত্তৰত শ্বাহিদে কয় যে, ই মূলতঃ চিত্ৰনাট্যৰ ওপৰত নিৰ্ভৰশীল ৷ তেওঁ উল্লেখ কৰি কয় যে, যদি চিত্ৰনাট্যখন সহজে মূল সংস্কৰণৰ সৈতে মিল থাকে, তেন্তে তেওঁ নিশ্চিতভাৱে আগবাঢ়ি আহিব ৷ কেৱল এয়াই নহয়, শ্বাহিদে তেওঁৰ জব উই মেটৰ সহ অভিনেত্ৰী কৰীণাকো প্ৰশংসা কৰি কয় যে, তেওঁৰ বাহিৰে আন কোনোৱে সেই চৰিত্ৰত অভিনয় কৰিব নোৱাৰে ৷
উল্লেখ্য যে, শ্বাহিদ কাপুৰক শেষবাৰৰ বাবে দেখা গৈছিল আলী আব্বাছ জাফৰৰ ছবি ব্লাডি ডেডীত । চলিত বৰ্ষতেই নেটফ্লিক্সত মুক্তি পোৱা ছবিখনে উৎকৃষ্ট ৰেটিং লাভ কৰিছিল । একে সময়তে ছবিখনত শ্বাহিদ কাপুৰৰ অভিনয়কো প্ৰশংসা কৰা হয় । আনহাতে, কৰীণা কাপুৰক লাল সিং চড্ডাৰ পিছত এতিয়া তেওঁক ‘জানে জান’ ছবিত দেখা যাব । এই ছবিখন অহা ২১ ছেপ্টেম্বৰত অ’টিটিত মুক্তি পাবলৈ গৈ আছে । এইখন কৰীণাৰ অ’টিটিৰ প্ৰথম ছবি, য’ত বিজয় ভাৰ্মা আৰু জয়দীপ আহলাৱটেও মুখ্য চৰিত্ৰত অভিনয় কৰিব ।
