চিটাৰা ডেস্ক, 18 আগষ্ট: কংগনা ৰানাৱট আৰু বিৰ্তক- এটা মুদ্ৰাৰ ইপিঠি সিপিঠি ৷ বিভিন্ন সময়ত বিভিন্ন বিষয়ত বিৰ্তকিত মন্তব্য কৰি প্ৰায়ে চৰ্চাত থাকে কংগনা ৷ বিতৰ্কিত মন্তব্যৰ বাবে প্ৰায়ে সমালোচিত হয় কংগনা ৷ তথাপিও বলীউড মাফিয়াৰ নাম লৈ বহু ডাঙৰ ডাঙৰ তাৰকাৰ বিৰুদ্ধে মন্তব্য কৰাৰ পৰা বিৰত নাথাকে কংগনা ৷ এইবাৰ পুনৰ চৰ্চালৈ আহিছে কংগনা ৷ অৱশ্যে এইবাৰ বিতৰ্কিত মন্তব্য কৰি নহয় এটা পোষ্ট শ্বেয়াৰ কৰি হে চৰ্চাত আহিছে কংগনা ৷ শেহতীয়াকৈ ছলমান খানৰ প্ৰাক্তন প্ৰেমিকা সোমি আলীয়ে কংগনা ৰানাৱটৰ প্ৰশংসা কৰিছে । যাৰ ভিডিঅ’ শ্বেয়াৰ কৰিছে কংগনাই ।
কংগনাই শ্বেয়াৰ কৰিছে সোমিৰ ভিডিঅ’টো
ভিডিঅ’টো শ্বেয়াৰ কৰি কংগনাই লিখিছে – মোৰ তাত সেইসকলৰ ডেউকা আৰু আত্মা আছে, যিয়ে মোৰ সন্মুখত মনে মনে থাকে ৷ মোৰ তাত তোমালোকৰ কণ্ঠ আছে যিটো কেতিয়াও উত্থাপন হোৱা নাই, মোৰ হাতত আছে তোমাৰ সত্য যিটো কেতিয়াও কোৱা হোৱা নাই । ভিডিঅ’টোত কংগনাক প্ৰশংসা কৰা দেখা গৈছে সোমি আলীয়ে ।
কংগনাৰ অনুৰাগী হৈ পৰিল সোমি আলী
ভিডিঅ’টোত কংগনা ৰানাৱটৰ বিষয়ে সোমি আলীয়ে কৈছে- মই আপোনাৰ আগত মূৰ দোৱাইছো ৷ কংগনা এনেকুৱা এগৰাকী অভিনেত্ৰী যিয়ে কেতিয়াও মৌনতা অৱলম্বন নকৰে, তেওঁ সদায় সত্য আৰু কেৱল সত্য কথা কয় । তেওঁৰ লগত যিয়েই অন্যায় হওক, তেওঁ কেমেৰাৰ সন্মুখত ভয় নোখোৱাকৈ অভিব্যক্তি প্ৰকাশ কৰে ৷ তেওঁ কেতিয়াও দ্বিধাবোধ নকৰে । সদায় সঁচা কথা কয় ৷ কংগনাৰ সাক্ষাৎকাৰ এটা দেখিছিলোঁ য’ত তেওঁ নিজকে ইমান ভালকৈ উপস্থাপন কৰিছে ৷ যিদৰে তেওঁ সাক্ষাৎকাৰটোত কথা কৈছিল সেয়া সত্য কথা কৈছিল । উদ্যোগটোৰ বিষয়ে তেওঁ স্পষ্টকৈ কথা কয় । ইয়াৰ বাবেই তেওঁক বহুত সন্মান কৰো। সঁচা কথা কোৱাসকলক উদ্যোগৰ মানুহে ভাল নাপায় ।
ছলমান খানৰ বিৰুদ্ধে অভিযোগ উত্থাপন হৈছিল
ছলমান খানৰ বিৰুদ্ধে বহু অভিযোগ উত্থাপন কৰিছিল সোমি আলীয়ে। ছ’চিয়েল মিডিয়াত পোষ্ট শ্বেয়াৰ কৰি ছলমান খানৰ বিষয়ে মন্তব্য কৰিছিল সোমিয়ে । সোমিয়ে পোষ্ট শ্বেয়াৰ কৰি তেওঁ লাভ কৰা শাৰীৰিক নিৰ্যাতন সম্পৰ্কেও প্ৰকাশ কৰিছিল ৷ সোমিয়ে কৈছিল যে সেই ব্যক্তিজন এতিয়া ছুপাৰষ্টাৰ হৈ পৰিছে।
লগতে পঢ়ক: Kangana Ranaut : ছলমানখানলৈ একাধিকবাৰ মৃত্যুৰ ভাবুকি; কি ক’লে কংগনাই ?
