চিটাৰা ডেস্ক, 30 ছেপ্টেম্বৰ : দীঘলীয়া অপেক্ষাৰ অন্তত 30 ছেপ্টেম্বৰত ছবিগৃহত মুক্তি পালে পৰিচালকদ্বয় পুষ্কৰ আৰু গায়ত্ৰীৰ ছবি ‘বিক্ৰম বেধা’ । সমগ্ৰ বিশ্বৰ চিনেমা হলত 5640 খন পৰ্দাত বৰ্তমানে চলি আছে হৃত্বিক ৰোশন আৰু ছৈফ আলী খান অভিনীত ছবিখনে । এই ছবিখনতেই প্ৰথমবাৰৰ বাবে দেখা গৈছে হৃত্বিক ৰোশন আৰু ছৈফ আলী খানৰ যুটি ।
চলচ্চিত্ৰ বিশ্লেষক তৰণ আদৰ্শে জনোৱা মতে, সমগ্ৰ দেশৰ চিনেমা হলত 4007 খন পৰ্দাত চলি আছে বিক্ৰম বেধা । একে সময়তে বহিঃৰাজ্যত ছবিখনে লাভ কৰিছে 1633 খন পৰ্দা । মুঠতে বিশ্বজুৰি 5640 খন পৰ্দাত সগৌৰৱে চলি আছে বিক্ৰম বেধা ।
100 খনতকৈও অধিক দেশত মুক্তি পাইছে
উল্লেখযোগ্য যে, হৃত্বিক আৰু ছৈফ অভিনীত ছবি ‘বিক্ৰম-বেধা’ই ভাৰতীয় চিনেমাৰ ইতিহাসত এক অভিলেখ গঢ়িবলৈ সক্ষম হৈছে । বিশ্বৰ 100 খনতকৈও অধিক দেশত মুক্তি লাভ কৰা প্ৰথমখন ভাৰতীয় চলচ্চিত্ৰ হিচাপে পৰিগণিত হ’ল ‘বিক্ৰম-বেধা’ ।
- " class="align-text-top noRightClick twitterSection" data="">
দুই তাৰকাৰে বিশ্বব্যাপী থকা অনুৰাগীসকলৰ বাবে এইটো ভাল খবৰ । বলীউডৰ ডুবিবলৈ ধৰা জাহাজখন পাৰ কৰাব বুলিও আশা প্ৰকাশ কৰিছে বহুতে ।
খবৰ অনুসৰি, উত্তৰ আমেৰিকা, ব্ৰিটেইন, মধ্যপ্ৰাচ্যৰ দেশ, অষ্ট্ৰেলিয়া, নিউজীলেণ্ডকে ধৰি বিশ্বৰ 100 খনতকৈও অধিক দেশৰ চিনেমা হলত ‘বিক্ৰম-বেধা’ চলি থকাৰ লগতে ইউৰোপৰ 22 আৰু আফ্ৰিকাৰ 27 খন দেশতো ছবিখন মুক্তি কৰি দিয়া হৈছে । ইয়াৰ উপৰিও ৰাছিয়া, জাপান, ইজৰাইল আৰু লেটিন আমেৰিকাৰ দেশ (পানামা আৰু পেৰু) আদি অগতানুগতিক দেশতো ছবিখনে মুক্তি লাভ কৰিছেে ।
'বিক্ৰম-বেধা' হৈছে তামিল ছবি 'বিক্ৰম-বেধা' (2017) ৰ অফিচিয়েল হিন্দী ৰিমেক । এই ছবিখনো পুষ্কৰ-গায়ত্ৰীয়েই পৰিচালনা কৰিছে । তামিল সংস্কৰণত অভিনেতা আৰ. মাধৱন আৰু অভিনেতা বিজয় সেতুপতি মুখ্য চৰিত্ৰত আছিল । ছবিখনৰ কাহিনীৰ কথা ক’বলৈ গ’লে ইয়াত ভাল বেয়া কি, উচিত অনুচিত কি আৰু ভুল শুদ্ধৰ মাজত পাৰ্থক্য বিচাৰি উলিয়াবলৈ শিকোৱা হৈছে ।
লগতে পঢ়ক : adipurush first look poster, ধনু-কাঁড়ৰ সৈতে ভগৱান ৰামৰ ৰূপত প্ৰভাস
