চিটাৰা ডেস্ক, 22 নৱেম্বৰ: বলীউডৰ হাৰ্টথ্ৰব কাৰ্তিক আৰিয়ানে বহু ছবিত নিজৰ উৎকৃষ্ট অভিনয়ৰে দৰ্শকৰ হৃদয় জয় কৰি আহিছে ৷ নিজৰ প্ৰতিভা আৰু প্ৰদৰ্শনেৰে উদ্যোগটোত নিজৰ নাম উজলাই তুলিবলৈ সক্ষম হৈছে অভিনেতাগৰাকীয়ে । সেয়েহে, সমগ্ৰ দেশৰ লগতে ছ’চিয়েল মিডিয়াতো কাৰ্তিকৰ বিপুল ফেন ফ’ল’ৱাৰ আছে । অভিনেতাগৰাকীৰ মনোমোহা শৈলীৰ বাবে লাখ লাখ মহিলা অনুৰাগীয়ে তেওঁক অতিকৈয়ে পছন্দ কৰে । আজি কাৰ্তিক আৰিয়ানৰ ৩৩ সংখ্যক জন্মদিন । মঙলবাৰে মাজনিশা অভিনেতাগৰাকীয়ে তেওঁৰ বিশেষ দিনটোত এখন বিশেষ ফটো শ্বেয়াৰ কৰে ৷ ফটোখনত অভিনেতাগৰাকীক প্ৰাৰ্থনা কৰি থকা দেখা গৈছে ।
মঙলবাৰে মাজনিশা কাৰ্তিক আৰিয়ানে নিজৰ অফিচিয়েল ইনষ্টাগ্ৰামত তেওঁৰ জন্মদিনৰ ছবি শ্বেয়াৰ কৰে । ছবিখনত তেওঁৰ পোহনীয়া কুকুৰ কাটৰী আৰিয়ানৰ সৈতে কেকৰ সন্মুখত বহি প্ৰাৰ্থনা কৰা দেখা গৈছে । ইফালে অভিনেতাজনৰ সন্মুখত থকা থকা কেকটোলৈ মৰমেৰে চাই থকা দেখা গৈছে কাটৰী আৰিয়ানক । এই সুন্দৰ ছবিখন শ্বেয়াৰ কৰি কাৰ্তিকে লিখিছে, ‘‘সকলোৰে মৰমৰ বাবে কৃতজ্ঞ ।’’
এই পোষ্টৰ পিচতে অনুৰাগীৰ পৰা আৰম্ভ কৰি বলীউডৰ বহু চেলিব্ৰিটিয়ে অভিনেতাগৰাকীক জন্মদিনৰ শুভেচ্ছা জনাইছে ৷ চেলিব্ৰিটি ডিজাইনাৰ মনীষ মালহোত্ৰাই কাৰ্তিকক তেওঁৰ বিশেষ দিনটোৰ বাবে শুভকামনা জনাইছে । একে সময়তে অভিনেত্ৰী ৰবীনা টেণ্ডন, ভানী কাপুৰ, কৃতি খাৰবান্দা, বিক্ৰান্ত মাছসী, মুক্তি মোহন, জাৰা খানকে ধৰি আন বহু তাৰকাই ৰেড হাৰ্ট ইমোজিৰে জন্মদিনৰ শুভেচ্ছা জনাইছে কাৰ্তিকক ।
ইফালে, ৩৩ সংখ্যক জন্মদিন উপলক্ষে অভিনেতাগৰাকীক শুভেচ্ছা জনাবলৈ তেওঁৰ বাসগৃহত উপস্থিত হৈছিল পাপাৰাজী ৷ এই সময়চোৱাত কাৰ্তিকক কেমেৰাত বন্দী কৰে পাপাৰাজীয়ে । তেওঁৰ বিশেষ দিনটোৰ শুভেচ্ছা জনাবলৈ অহা পাপাৰাজীক কাৰ্তিকে ধন্যবাদ জনাই আৰু কেমেৰাৰ বাবেও পোজ দিয়ে ।
লগতে পঢ়ক: 8 বছৰীয়া হ’ল আল্লু অৰ্জুনৰ কন্যা আৰহা, পিতৃয়ে এনেদৰে জনালে জন্মদিনৰ শুভেচ্ছা
