চিটাৰা ডেস্ক, 9 আগষ্ট: হিন্দী টিভি ধাৰাবাহিকৰ পৰা নিজৰ কেৰিয়াৰ আৰম্ভ কৰা অভিনেত্ৰী হান্সিকা মটৱানীৰ জন্ম হৈছিল ১৯৯১ চনৰ ৯ আগষ্টত মুম্বাইত । এই পৰ্যন্ত হান্সিকাই ৫০ খনতকৈও অধিক ভিন্ন ভাষাৰ ছবিত কাম কৰিছে । আজি দক্ষিণৰ ছুপাৰষ্টাৰ অভিনেত্ৰী হান্সিকা মটৱনীৰ জন্মদিন । ৩২ বছৰীয়া হ’ল হান্সিকা । শিশু শিল্পী হিচাপে হিন্দী টিভি উদ্যোগত নিজৰ কেৰিয়াৰ আৰম্ভ কৰা হান্সিকাই সকলোকে তেতিয়া হতচকিত কৰিছিল, যেতিয়া মাত্ৰ ১৬ বছৰ বয়সতে হান্সিকাই হিমেশ ৰেশমীয়াৰ সৈতে বলীউডত আত্মপ্ৰকাশ কৰিছিল ৷
সিন্ধী পৰিয়ালত জন্ম হৈছিল হান্সিকাৰ
১৯৯১ চনৰ ৯ আগষ্টত মুম্বাইৰ এটা সিন্ধী পৰিয়ালত জন্মগ্ৰহণ কৰা হান্সিকা মটৱানীৰ পিতৃ পেছাত ব্যৱসায়ী আৰু মাতৃ মোনা মটৱানী এগৰাকী ছালৰ বিশেষজ্ঞ । হান্সিকাই মুম্বাইৰ ছান্টাক্ৰুজত অৱস্থিত পোদাৰ ইণ্টাৰনেশ্যনেল স্কুল আৰু ইণ্টাৰনেশ্যনেল কাৰিকুলাম স্কুলৰ পৰা শিক্ষা সমাপ্ত কৰিছিল ।
‘দেশ মে নিক্লা হোগা চান্দ’ত দেখা গৈছিল হান্সিকাক
২০০১ চনত প্ৰথমবাৰৰ বাবে একতা কাপুৰৰ ধাৰাবাহিক ‘দেশ মে নিক্লা হোগা চান্দ’ত অভিনয় কৰিছিল হান্সিকাই । তাৰ পিচত ‘শাকা লাকা বুম বুম’ৰ পৰা অৰ্জন কৰিছিল জনপ্ৰিয়তা ৷ বহু টিভি শ্ব’ কৰাৰ পাচত ২০০৩ চনত হৃতিক ৰোশনৰ ছবি ‘কই মিল গয়া’ত শিশু অভিনেত্ৰী হিচাপে আত্মপ্ৰকাশ কৰে । ১৫ বছৰ বয়সত দক্ষিণ চলচ্চিত্ৰ উদ্যোগলৈ ধাৱমান হয় হান্সিকা ৷ পৰিচালক পুৰী জগন্নাথৰ ছবি ‘দেশমুদুৰু’ৰ জৰিয়তে দক্ষিণ ছবিজগতত আত্মপ্ৰকাশ কৰে ৷ এই ছবিখনৰ বাবে অভিনেত্ৰীগৰাকীয়ে লাভ কৰে শ্ৰেষ্ঠ মুখ্য অভিনেত্ৰী বঁটা ।
হৰম’নৰ বেজী লোৱাৰ অভিযোগ
আজি হান্সিকাই ৬০ খনতকৈও অধিক ছবিত অভিনয় কৰিছে যদিও এসময়ত তেওঁৰ পিতৃ-মাতৃৰ বিৰুদ্ধে বহু অভিযোগো উত্থাপন হৈছিল । হিমেশ ৰেশমীয়াৰ সৈতে বলীউডত আত্মপ্ৰকাশ কৰা হান্সিকাই তেওঁতকৈ অধিক বয়সৰ অভিনেতাৰ সৈতে কাম কৰিছিল । বহুবাৰ ইয়াৰ বাবেই মাতৃ-পিতৃৰ বিৰুদ্ধে হান্সিকাৰ শৈশৱ কাঢ়ি লোৱাৰ অভিযোগ উত্থাপন হৈছিল ৷ কেৱল এয়াই নহয়, হান্সিকাক বয়সতকৈ অধিক ডাঙৰ দেখুৱাবলৈ হৰম’ন বেজী দিয়াৰ অভিযোগো উত্থাপন হৈছিল তেওঁৰ মাতৃৰ বিৰুদ্ধে । যদিও হান্সিকা বা তেওঁৰ মাতৃ-পিতৃয়ে এই বিষয়ত কেতিয়াও প্ৰতিক্ৰিয়া প্ৰকাশ কৰা নাই ৷
বিতৰ্কত সাঙুৰ খাইছিল হান্সিকাৰ নাম
এসময়ত হান্সিকাৰ বাথৰুমৰ এম এম এছ লিক হৈছিল আৰু এই ভিডিঅ’টো যথেষ্ট ভাইৰেল হৈ পৰিছল ৷ একাংশই এইটো পাব্লিচিটি ষ্টান্ট বুলি কৈছিল ৷ এই বিষয়ত হান্সিকাই কৈছিল যে ধৰ্ষণ হোৱাতকৈ ই অধিক বেদনাদায়ক।
লগতে পঢ়ক: Pushpa 2 New Poster: আল্লু অৰ্জুনৰ ছবিৰ পৰা ফাহাদ ফাচিলৰ প্ৰথম লুক মুকলি, চাওক ‘পুষ্পা’ৰ শত্ৰুৰ ফটো
