চিটাৰা ডেস্ক, ১২ ডিচেম্বৰ: বলীউডৰ অভিনেত্ৰী অনুষ্কা শৰ্মা আৰু ক্ৰিকেটাৰ বিৰাট কোহলীৰ বিবাহৰ ৬ বছৰ সম্পন্ন হ’ল । এই বিশেষ দিনটোত বন্ধু-বান্ধৱীৰ লগতে অনুৰাগীয়ে তেওঁলোকক বিবাহ বাৰ্ষিকীৰ শুভকামনা জনায় । ইফালে অনুষ্কা শৰ্মা আৰু বিৰাট কোহলীয়েও বিশেষ ধৰণেৰে উদযাপন কৰিছে ষষ্ঠ বিবাহ বাৰ্ষিকী । এতিয়া ছ’চিয়েল মিডিয়াত অনুৰাগীৰ বাবে তেওঁলোকৰ বৰ্ষপূৰ্তি উদযাপনৰ কিছু মৰমলগা ছবি শ্বেয়াৰ কৰিছে এই দম্পতীয়ে ।
অনুষ্কা-বিৰাটে শ্বেয়াৰ কৰিলে বিবাহ বাৰ্ষিকী উদযাপনৰ ফটো
অনুষ্কা শৰ্মা আৰু বিৰাট কোহলীয়ে ছ’চিয়েল মিডিয়াত শ্বেয়াৰ কৰিছে ষষ্ঠ বিবাহ বাৰ্ষিকী উদযাপনৰ ফটো । অভিনেত্ৰীগৰাকীয়ে নিজৰ ইনষ্টাগ্ৰাম ষ্ট’ৰীত এনিভাৰ্চেৰী পাৰ্টিৰ এখন ফটো শ্বেয়াৰ কৰিছে। ফটোখনত অনুষ্কাক ক’লা শ্বোল্ডাৰ লেচ ড্ৰেছত অতি ধুনীয়া দেখা গৈছে, আনহাতে তেওঁৰ স্বামী বিৰাট কোহলীকো ক’লা ফৰ্মেলত সুন্দৰ দেখা গৈছে । ফটোখন শ্বেয়াৰ কৰি অনুষ্কাই কেপচনত লিখিছে, “মৰমেৰে ভৰা এটা দিন, বন্ধু-বান্ধৱী আৰু পৰিয়ালৰ সৈতে কটোৱা দিন, ইনষ্টাগ্ৰামৰ বাবে পোষ্ট কৰাত দেৰি হৈছে নেকি ? ”
চকলেট কেক কাটি বিবাহ বাৰ্ষিকী উদযাপন অনুষ্কা-বিৰাটৰ
অভিনেত্ৰীগৰাকীয়ে শ্বেয়াৰ কৰা ফটোখনত স্বামী বিৰাটক সাৱটি ধৰা দেখা গৈছে । ইয়াৰ উপৰিও অভিনেত্ৰীগৰাকীয়ে নিজৰ ইনষ্টা ষ্ট’ৰীত বিবাহ বাৰ্ষিকী উদযাপনৰ আন বহু ফটোও শ্বেয়াৰ কৰিছে । এখন ফটোত দম্পতীয়ে বন্ধু-বান্ধৱী আৰু পৰিয়ালৰ সৈতে নিজৰ বিশেষ দিনটো উদযাপন কৰা দেখা গৈছে । দ্বিতীয়খন ফটোত অনুষ্কা আৰু বিৰাটে ইগৰাকী সিগৰাকীৰ হাতত ধৰি চকলেট কেক কাটি থকা দেখা গৈছে ।
বিৰাট কোহলীয়ে পত্নী অনুষ্কাৰ সৈতে শ্বেয়াৰ কৰিলে তেওঁৰ ফটো
ক্ৰিকেটাৰ বিৰাট কোহলীয়েও পত্নী অনুষ্কা শৰ্মাৰ সৈতে তেওঁৰ ফটো ইনষ্টাগ্ৰামত শ্বেয়াৰ কৰিছে । ছবিখনত বিৰাটক পোজ দিয়া দেখা গৈছে । আনহাতে অনুষ্কাক তেওঁৰ পিছফালে সাৱটি ধৰা দেখা গৈছে । ফটোখনৰ লগতে কেপচনত ৰেড হাৰ্ট ইমোজি শ্বেয়াৰ কৰিছে বিৰাটে ।
উল্লেখ্য যে, অনুষ্কা শৰ্মা আৰু বিৰাট কোহলীয়ে ২০১৮ চনত ইটালীত গোপনে বিবাহপাশত আবদ্ধ হৈছিল । বিয়াত অভিনেত্ৰীগৰাকীয়ে পৰিধান কৰিছিল গোলাপী ৰঙৰ সব্যসাচী ডিজাইনাৰ লেহেংগা । ইয়াৰ পিচত এই দম্পতীয়ে দিল্লী আৰু মুম্বাইত তাৰকাৰে ভৰা অভ্যৰ্থনা অনুষ্ঠানৰ আয়োজন কৰিছিল । দিল্লীৰ অভ্যৰ্থনা অনুষ্ঠানত অংশগ্ৰহণ কৰিছিল প্ৰধানমন্ত্ৰী নৰেন্দ্ৰ মোদীয়ে । এই দম্পতীৰ এগৰাকী মৰমলগা কন্যা আছে, কন্যাৰ নাম ভামিকা ।
লগতে পঢ়ক: মণিপুৰত বিয়াৰ পিচত মুম্বাইত অভ্যৰ্থনাৰ আয়োজন কৰিলে ৰণদ্বীপ-লিনে, চাওক ভিডিঅ’
