চিটাৰা ডেস্ক, ১১ ডিচেম্বৰ: ৰোমাঞ্চ কিং হিচাপে পৰিচিত শ্বাহৰুখ খানে ২০২৩ চনত একচন কিং হিচাপে কাম বেক কৰিছে ৷ শ্বাহৰুখ খানৰ এই কাম বেক ইমানেই দৰ্শনীয় আছিল যে সকলোৰে মুখত কেৱল শ্বাহৰুখ খানৰ প্ৰশংসা। এই বৰ্ষত কিং খানে ‘জৱান’ আৰু ‘পাঠান’ৰ দৰে ব্লকবাষ্টাৰ ছবি উপহাৰ দিছে ৷ এতিয়া শীঘ্ৰেই ৰাজকুমাৰ হিৰানীৰ পৰিচালনাত নিৰ্মিত ‘ডাংকি’ ছবিখনৰে বক্স অফিচত আলোড়ন সৃষ্টি কৰিবলৈ সাজু হৈছে অভিনেতাগৰাকী ৷ অৱশ্যে প্ৰতিদিনে অনুৰাগীয়ে ছ’চিয়েল মিডিয়াত কিং খানক ‘ডাংকি’ৰ অৰ্থ কি বুলি প্ৰশ্ন কৰে ৷
শেহতীয়াকৈ শ্বাহৰুখ খানে ‘ডাংকি’ৰ অৰ্থ কি বুজাই দিয়ে অনুৰাগীক ৷ কেৱল ইমানেই নহয়, ছবিখনৰ এটি নতুন গীতৰ প্ৰচাৰমূলক ভিডিঅ’ৰ আভাস দেখুৱাইছে ৷ নতুন গীতটিৰ নাম ‘অ মাহী’ । এই গীতটিত অনুৰাগীক তেওঁৰ ৰোমান্টিক ষ্টাইল দেখুৱাইছে ৷
শ্বাহৰুখ খানৰ নতুন প্ৰচাৰমূলক ভিডিঅ’
শ্বাহৰুখ খানে ইটোৰ পিচত সিটোকৈ নতুন নতুন ভিডিঅ’ মুকলি কৰি অনুৰাগীক চিনেমাখনৰ সৈতে জড়িত ৰাখিবলৈ চেষ্টা কৰিছে । এতিয়া শেহতীয়াকৈ বলীউডৰ বাদশ্বাহগৰাকীয়ে নিজৰ এক্স একাউণ্টত এটা প্ৰচাৰমূলক ভিডিঅ’ ‘অ মাহী’ মুকলি কৰিছে । অ’ মাহী ডাংকি ছবিখনৰ এটা ৰোমান্টিক ট্ৰেক ।
এই ভিডিঅ’টোত কিং খানক ক’লা টি-চাৰ্ট পৰিধান কৰি বালিত থিয় হৈ থকা দেখা গৈছে । লগতে তেওঁৰ চিগনেচাৰ ষ্টেপে অনুৰাগীক উন্মাদ কৰি তুলিছে । মাত্ৰ ১৩ ছেকেণ্ডৰ এই প্ৰচাৰমূলক ভিডিঅ’টোৱে আপোনাক আকৌ এবাৰ লৈ যাব কিং খানৰ সৈতে ৰোমাঞ্চৰ জগতখনলৈ । এই ভিডিঅ’টোৰ জৰিয়তে শ্বাহৰুখ খানে অনুৰাগীক জনাইছে যে তেওঁৰ গীত ‘অ মাহী’ অতি সোনকালে মুক্তি পাব ।
শ্বাহৰুখ খানে ক’লে ‘ডাংকি’ৰ প্ৰকৃত অৰ্থ কি
শ্বাহৰুখ খানে যেতিয়াই ‘ডাংকি’ৰ কোনো গীত বা প্ৰচাৰমূলক ভিডিঅ’ শ্বেয়াৰ কৰে তেতিয়াই অনুৰাগীয়ে তেওঁক ছবিখনৰ নামৰ অৰ্থ সোধে। এতিয়া কিং খানে অনুৰাগীৰ প্ৰশ্নৰ প্ৰতি সঁহাৰি জনাই লিখিছে, "সকলোৱে সুধিছে, সেইবাবেই মই কৈছোঁ । ডাংকি মানে আপোনজনৰ পৰা আঁতৰি থকা আৰু যেতিয়া আপোনজন লগত থাকে তেতিয়া কেৱল এনে লাগে যে মৃত্যুৰ আগলৈকে তেওঁ মোৰ লগতেই থাকক ।"
- " class="align-text-top noRightClick twitterSection" data="">
লগতে পঢ়ক: শীঘ্ৰেই বক্স অফিচত ৭০০ কোটি টকাৰ সীমা অতিক্ৰম কৰিব এনিমেলে
