চিটাৰা ডেস্ক, 5 মে’ : বৃহস্পতিবাৰে মুকলি হ’ল আয়ুষ্মান খুৰানাৰ 'অনেক' বোলছবি খনৰ ট্ৰেইলাৰ ৷ আয়ুষ্মান খুৰানাক প্ৰথমবাৰৰ বাবে এজন আণ্ডাৰ-কভাৰ আৰক্ষীৰ চৰিত্ৰত দেখিবলৈ পোৱা যাব ৷ ট্ৰেইলাৰটোত আয়ুষ্মান খুৰানাক এক সাহসী ৰূপত দেখা গ’ল (Anek film cast) ৷ শত্ৰুৰ সৈতে যুঁজ দিয়াৰ পৰা আৰম্ভ কৰি বোমা-বাৰুদৰ মাজত বন্দুক লৈ থিয় হৈ থকা অভিনেতাজনৰ ৰূপ দেখি আপ্লুত হৈ পৰিছে অনুৰাগী ৷ ট্ৰেইলাৰটো দৰ্শকে যথেষ্ট প্ৰশংসা কৰিছে ।
কি আছে অনেক ছবিখনত ?
- " class="align-text-top noRightClick twitterSection" data="">
‘‘ইণ্ডিয়া ইণ্ডিয়া ইণ্ডিয়া... মই উত্তৰ-পূৰ্বাঞ্চলত ভাৰতৰ নিৰাপত্তাৰ বাবে কাম কৰো ৷’’ এই সংলাপেৰে আয়ুষ্মান খুৰানাই অনেক চলচ্চিত্ৰ খনত নিজৰ পৰিচয় দিছে । ট্ৰেইলাৰটোত ভাৰতৰ সুৰক্ষাৰ নামত আয়ুষ্মানে যুঁজ কৰা দেখিবলৈ পোৱা গৈছে (Anek movie story) ৷
অনেক ছবিখনৰ কাহিনী লিখিছে আৰু পৰিচালনা কৰিছে অনুভৱ সিনহাই । অনুভৱ সিনহাই পূৰ্বতে থাপ্পাড়, আৰ্টিকল 15, মুল্কৰ দৰে চলচ্চিত্ৰ পৰিচালনা কৰি আহিছে । ছবিখন যুটীয়াভাৱে ভূষণ কুমাৰৰ টি-চিৰিজ, বেনাৰস মিডিয়া ৱৰ্কছে প্ৰযোজনা কৰিছে ।
