চিটাৰা ডেস্ক, 18 মে’ : অৰ্জুন কাপুৰ আৰু মালাইকা আৰোৰা বলীউডৰ অন্যতম জনপ্ৰিয় যুটি । বলীউডত অভাৱ নাই দুয়োৰে অনুৰাগীৰ । তেওঁলোক দুয়োৰে অনুৰাগী সকলৰ বাবে এটা সুখবৰ । দৰাচলতে অৰ্জুন কাপুৰ আৰু মালাইকা আৰোৰাৰ বিয়াৰ খবৰ ওলাইছে (Arjun Kapoor Malaika Arora wedding) ৷ গোপন সূত্ৰ অনুসৰি, অৰ্জুন কাপুৰে এই বছৰতেই বিয়া পাতিব মালাইকাক ।
অৰ্জুন আৰু মালাইকা সদায় ডুব গৈ থাকে ইজনে সিজনৰ প্ৰেমত ৷ এই কথা কাৰো পৰা লুকাই থকা নাই । প্ৰেমিকযুগলক বহুসময়ত একেলগে বিভিন্ন স্থানত দেখা গৈছে ৷ সামাজিক মাধ্যমতো তেওঁলোকৰ প্ৰেম স্পষ্টকৈ ফুটি উঠে । প্ৰায়েই ইজনে আনজনৰ পোষ্টত লাইক কমেণ্ট কৰাৰ উপৰিও তেওঁলোকৰ ফটোও আপলোড কৰি থাকে ৷
- " class="align-text-top noRightClick twitterSection" data="
">
অৰ্জুন আৰু মালাইকাই তেওঁলোকৰ সম্পৰ্ক পৰৱৰ্তী পৰ্যায়লৈ আগবঢ়াই নিব বিচাৰিছে (Arjun Kapoor Malaika Arora marriage) । সংবাদ মাধ্যমৰ বাতৰি অনুসৰি, এই বছৰৰ শেষৰ ফালে তেওঁলোকে মুম্বাইত বিবাহ পাশত আৱদ্ধ হ'ব । এক ব্যক্তিগত অনুষ্ঠান বিয়া পাতিব দুয়োৱে (Arjun Kapoor Malaika Arora latest updates) ৷ কেৱল মাত্ৰ নিকট আত্মীয় আৰু বিশেষ বন্ধুবৰ্গহে উপস্থিত থাকিব বিয়াত । কাপুৰ পৰিয়াল আৰু মালাইকাৰ পৰিয়াল বিয়াৰ মুখ্য আকৰ্ষণ হ’ব ।
সংবাদ মাধ্যমৰ বাতৰি অনুসৰি, অৰ্জুন আৰু মালাইকা ৰাজকীয় বিবাহ কৰাৰ পক্ষপাতী নহয় । তেওঁলোকে সৰল বিবাহ বিচাৰে । প্ৰেমিক যুগলে প্ৰথমে তেওঁলোকৰ বিবাহ পঞ্জীয়ন কৰিব ।
জানিবলৈ পোৱা মতে মালাইকাই তেওঁৰ বিয়াত এখন ধুনীয়া ডিজাইনাৰ শাৰী পিন্ধিব । আনহাতে অৰ্জুনে বিয়াৰ বাবে পিন্ধিব এটা সাধাৰণ কুৰ্তা । এতিয়া সকলোৰে অপেক্ষা মাথো তেওঁলোকৰ বিবাহৰ তাৰিখলৈ । অৰ্জুন আৰু মালাইকাই বহু বছৰ ধৰি ইজনে সিজনক ডেট কৰি আছে (Arjun Kapoor Malaika Arora relationship) ।
লগতে পঢ়ক: ডিজাইনাৰ সব্যসাচীৰ শাৰী পিন্ধি কান চলচ্চিত্ৰ মহোৎসৱত দীপিকা পাডুকন
