চিটাৰা ডেস্ক, 14 এপ্ৰিল: ‘কাঁ চলচ্চিত্ৰ মহোৎসৱ’ৰ আগন্তুক সংস্কৰণত প্ৰদৰ্শনৰ বাবে নিৰ্বাচিত হৈছে অনুৰাগ কাশ্যপৰ ছবি ‘কেনেডী’ (Anurag Kashyap film Kennedy)। বৃহস্পতিবাৰে ‘২০২৩ কান চলচ্চিত্ৰ মহোৎসৱ’ৰ অফিচিয়েল লাইন আপ উন্মোচন কৰা হয়, মাত্ৰ এখন ভাৰতীয় ছবিয়েহে এই তালিকাত স্থান লাভ কৰে । ২০২৩ চনৰ ১৬ মে’ৰ পৰা ২৭ মে’লৈ চলিবলগীয়া এই মহোৎসৱৰ মাজনিশাৰ প্ৰদৰ্শনী শাখাৰ বাবে নিৰ্বাচিত হৈছে অনুৰাগ কাশ্যপৰ ‘কেনেডী’ ছবিখন (Cannes Film Festival) ।
অনুৰাগ কাশ্যপৰ ‘কেনেডী’ ছবিখন কান চলচ্চিত্ৰ মহোৎসৱৰ অফিচিয়েল টুইটাৰত মহোৎসৱৰ মাজনিশাৰ প্ৰদৰ্শনী শিতানত ঘোষণা কৰা হয় । ফেষ্টিভেল ডি কানে টুইট কৰিছে, ‘অনুৰাগ কাশ্যপ চেন্সডেমিনিট/মিডনাইট স্ক্ৰীনিং কান ২০২৩ কেনেডী’ । কেনেডী ছবিখনত অভিনয় কৰিছে ছানী লিঅ’নে, অভিলাষ থাপলিয়াল আৰু ৰাহুল ভাট । অনুৰাগ কাশ্যপেও ছ’চিয়েল মিডিয়াত অনুৰাগীৰ সৈতে এই আপডেট শ্বেয়াৰ কৰিছে (Kennedy screening Cannes 2023)।
-
KENNEDY by Anurag KASHYAP
— Festival de Cannes (@Festival_Cannes) April 13, 2023 " class="align-text-top noRightClick twitterSection" data="
#SéanceDeMinuit / #MidnightScreenings #Cannes2023
">KENNEDY by Anurag KASHYAP
— Festival de Cannes (@Festival_Cannes) April 13, 2023
#SéanceDeMinuit / #MidnightScreenings #Cannes2023KENNEDY by Anurag KASHYAP
— Festival de Cannes (@Festival_Cannes) April 13, 2023
#SéanceDeMinuit / #MidnightScreenings #Cannes2023
পেৰিছৰ ইউজিচি নৰ্মাণ্ডী থিয়েটাৰত আগন্তুক উৎসৱৰ সভাপতি আইৰিছ নব্লকৰ সৈতে হোৱা এক সংবাদমেলত পৰিচালক থিয়ৰী ফ্ৰেম’ছে এই আনুষ্ঠানিক নিৰ্বাচনৰ কথা প্ৰকাশ কৰে । তেওঁ কয় যে, আমি ২০০০ৰো অধিক ছবি দেখিলোঁ, যিয়ে বিশ্ব ছবিৰ স্বাস্থ্য আৰু সকলোতে ছবি নিৰ্মাণৰ আকাংক্ষা দেখুৱাইছে । কম ফৰাচী ছবি প্ৰদৰ্শন কৰা প্ৰতিযোগিতাখনৰ বহল আন্তঃৰাষ্ট্ৰীয় পৰিসৰৰ বাবেও তেওঁ প্ৰশংসা কৰে (kennedy movie anurag kashyap) ।
ফ্ৰীমেক্সে কয় যে অফিচিয়েল নিৰ্বাচন কৰা হোৱা নাই । অনাগত দিনত আৰু ছবি উন্মোচন হোৱাৰ সম্ভাৱনা আছে । এই উৎসৱত সম্ভাৱ্যভাৱে উৰাবাতৰিৰ কিছুমান ছবিৰ ভিতৰত আছে লাডজ লীৰ ‘লেছ মিজেৰেবলছ’ৰ লগতে ইয়ৰ্গছ লেন্থিম’ছৰ ‘পুৰ থিংছ’। এইবাৰৰ কাঁ চলচ্চিত্ৰ মহোৎসৱত মাৰ্টিন স্কোৰচেজ, নুৰি বিলগে চিলান, উইম ৱেণ্ডাৰছ, টড হেইনছ আৰু হিৰোকাজু কোৰে-এডাৰ নতুন ছবিৰ প্ৰিমিয়াৰ হ’ব ।
লগতে পঢ়ক: Eksha Kerung: ছিকিমৰ এগৰাকী আৰক্ষী বিষয়াৰ পৰা মেবেলিনৰ নতুন মুখ হোৱা একছা কেৰুঙৰ বিষয়ে জানো আহক
