চিটাৰা ডেস্ক, 13 অক্টোবৰ : শেহতীয়াকৈ 80 সংখ্যক জন্মদিনত সশস্ত্ৰ বাহিনীৰ যুদ্ধ হতাহতি কল্যাণ পুঁজিৰ ৱেবছাইট ‘মা ভাৰতী কে সপুত’ৰ সদিচ্ছা ৰাষ্ট্ৰদূত হোৱা বলীউডৰ মেগাষ্টাৰ অমিতাভ বচ্চন বছৰ বছৰ ধৰি কেইবাটাও সামাজিক কামৰ সৈতে জড়িত হৈ আহিছে ৷ প্ৰবীণ অভিনেতাগৰাকী ভাৰতীয় চিনেমা ইতিহাসৰ অন্যতম শ্ৰেষ্ঠ আৰু প্ৰভাৱশালী তাৰকা ৷ তেওঁৰ ব্যক্তিত্ব এনেকুৱা যে মানুহে তেওঁক অনুসৰণ আৰু অনুকৰণ নকৰাকৈ থাকিব নোৱাৰে । অমিতাভে অনাময়, টীকাকৰণ আনকি পৰ্যটনৰ বিষয়েও মানুহক অৱগত কৰাবৰ বাবে অসংখ্য সামাজিক প্ৰচেষ্টাক সমৰ্থন কৰি আহছে । অভিনেতাজনে সমৰ্থন কৰা 5 টা মানৱীয় আৰু পৰিৱেশগত কাৰণৰ ওপৰত চকু ফুৰাওঁ আহক-
Polio Goodwill ambassador: পলিঅ’ৰ সৈতে যুঁজিবলৈ আৰু অধিক জনসংখ্যাক আকৰ্ষণ কৰিবলৈ অমিতাভক 2002 চনত পলিঅ' নিৰ্মূল অভিযানৰ ব্ৰেণ্ড এম্বেচেডৰ হিচাপে নিযুক্ত কৰা হৈছিল আৰু ইয়াৰ বাবে তেওঁ কোনো ধন লোৱা নাছিল বুলি জনা যায় । 2014 চনৰ মাৰ্চ মাহত বিশ্ব স্বাস্থ্য সংস্থাই ভাৰতক পলিঅ'মুক্ত দেশ হিচাপে ঘোষণা কৰিছিল ।
UNICEF Goodwill ambassador: 2014 চনত, দেশখনক মহিলাৰ বিৰুদ্ধে বৈষম্যৰ পৰা মুক্ত কৰাৰ লক্ষ্যৰে, অমিতাভক ছোৱালী শিশুৰ বাবে ৰাষ্ট্ৰসংঘৰ ৰাষ্ট্ৰদূত হিচাপে নিযুক্ত কৰা হৈছিল । একে বছৰতে, তেওঁ ইউনাইট ফৰ চিল্ড্ৰেন আৰু ইউনাইট এগেইনষ্ট এইডছ অভিযানৰ বাবে ইউনিচেফৰ প্ৰচেষ্টাক সমৰ্থন কৰে ।
Hepatitis Goodwill ambassador: হেপাটাইটিছ বিৰ পৰা ৰক্ষা পোৱা অমিতাভক 2017 চনত বিশ্ব স্বাস্থ্য সংস্থাই দক্ষিণ-পূব এছিয়াৰ হেপাটাইটিছৰ সদিচ্ছা ৰাষ্ট্ৰদূত হিচাপে নিযুক্তি দিছিল । এই ৰোগৰ সন্দৰ্ভত সজাগতা বিয়পোৱাত সহায় কৰাৰ বাবে তেওঁ এই অভিযানৰ এক অবিচ্ছেদ্য অংশ হৈ আহিছে ।
Support for PETA: অমিতাভ পেটাৰ বাবে এজন কণ্ঠস্বৰ অধিবক্তা ৷ তেওঁ আনকি মহাৰাষ্ট্ৰৰ কোলহাপুৰত মাৰপিট কৰি বন্দী কৰি ৰখা 14 বছৰীয়া হাতী সুন্দৰক মুক্তি দিয়াৰ যুঁজত পেটা ইণ্ডিয়াক সহায় কৰিছিল ।
Swachh Bharat Mission: 'স্বচ্ছ ভাৰত অভিযান' হৈছে ভাৰত চৰকাৰৰ দ্বাৰা দেশৰ ৰাস্তা, পথ আৰু আন্তঃগাঁথনি পৰিষ্কাৰ কৰি ৰখাৰ এক অভিযান । 2014 চনত ইয়াৰ আৰম্ভণিৰ পৰা, অমিতাভে প্ৰধানমন্ত্ৰী নৰেন্দ্ৰ মোডীৰ 'স্বচ্ছ ভাৰত অভিযান'ক সমৰ্থন কৰি আহিছে আৰু তেওঁ 'বনেগা স্বস্থ ভাৰত' অভিযানৰ ৰাষ্ট্ৰদূত ।
শুকুৰবাৰে প্ৰতিৰক্ষা মন্ত্ৰী ৰাজনাথ সিঙে মুকলি কৰিব ‘মা ভাৰতী কে সপুত’ ৱেবছাইটটো । ইয়াৰ দ্বাৰা নাগৰিকসকলে সশস্ত্ৰ বাহিনীৰ যুদ্ধ হতাহতি কল্যাণ পুঁজি (এ এফ বি চি ডব্লিউ এফ)লৈ অৰিহণা যোগাব পাৰিব । প্ৰতিৰক্ষা মন্ত্ৰালয়ৰ মতে, অহা 14 অক্টোবৰত নতুন দিল্লীৰ ৰাষ্ট্ৰীয় যুদ্ধ সোঁৱৰণী কমপ্লেক্সত আয়োজন কৰা এক অনুষ্ঠানত এই ৱেবছাইট মুকলি কৰা হ’ব ।
লগতে পঢ়ক : Swatantra Veer Savarkar movie:অংকিতা লোখাণ্ডেই লাভ কৰিলে ৰণদীপ হুদাৰ বিপৰীতে অভিনয়ৰ সুযোগ
