চিটাৰা, 27 ফেব্ৰুৱাৰী: আলিয়া ভাট-ৰণবীৰ কাপুৰৰ যুটি বলীউডৰ অন্যতম মৰম লগা দম্পতী । 2022 চনত বিবাহপাশত আৱদ্ধ হৈছিল দুয়ো ৷ ইফালে যোৱা বছৰ আলিয়াই দৰ্শকক উপহাৰ দিছিল ব্লকবাষ্টাৰ ছবি গংগুবাই কাথিয়াৱাড়ী । এই ছবিখন মুক্তিৰ পিচতে আলিয়াই দৰ্শকৰ পৰা লাভ কৰিছিল অভূতপূৰ্ব সঁহাৰি ৷ ছবিখনত আলিয়াৰ শক্তিশালী অভিনয়ক লৈ শেহতীয়াকৈ আলিয়াই কেইবাটাও সন্মান লাভ কৰিবলৈ সক্ষম হৈছে ৷
পুনৰ দেওবাৰে গংগুবাই কাথিয়াৱাড়ী ছবিখনক লৈ আন এটা বঁটা লাভ কৰিবলৈ সক্ষম হৈছে আলিয়া ভাটে । ২০২৩ চনৰ জী চিনে এৱাৰ্ডছত (Zee Cine Awards 2023) গংগুবাই কাথিয়াৱাড়ী ছবিত অভিনয় কৰা আলিয়া ভাটে লাভ কৰে শ্ৰেষ্ঠ অভিনেতা (মহিলা) বঁটা । গংগুবাই কাথিয়াৱাড়ী ছবিখনত কৰা নিজৰ শ্ৰেষ্ঠ অভিনয়ৰ বাবে অভিনেত্ৰীগৰাকীয়ে লাভ কৰিছে এই সন্মান ৷ ইফালে এই বঁটা লাভ কৰাৰ পিচতেই আলিয়াই ইনষ্টাগ্ৰামত বঁটাৰ সৈতে এখন ফটো পোষ্ট কৰিছে (Alias Instagram Post) ৷
আলিয়া ভাটে নিজৰ অফিচিয়েল ইনষ্টাগ্ৰামত একাউন্টত জী চিনে এৱাৰ্ডছ ২০২৩ অনুষ্ঠানৰ কিছু ফটো শ্বেয়াৰ কৰিছে । ইয়াৰে এখন ছবিত আলিয়াই হাতত শ্ৰেষ্ঠ অভিনেতা (মহিলা) বঁটা লৈ পোজ দিয়া পৰিলক্ষিত হৈছে ৷ আলিয়া ভাটে ধূসৰ ৰঙৰ শ্বাৰ্ট পৰিধান কৰি আৰু মুখৰ ঠিক সন্মুখতে বঁটা লৈ ফটোত পোজ দিয়ে (Alia Bhatt Kapoor Arrived on Red carpet of Zee Cine Awards) ৷
এই ফটোখন শ্বেয়াৰ কৰি অভিনেত্ৰীগৰাকীয়ে ছবি নিৰ্মাতা সঞ্জয় লীলা ভাঞ্চালী আৰু গংগুবাই ছবিখনৰ দলটোক ধন্যবাদ জ্ঞাপন কৰে ৷ লগতে অভিনেত্ৰীগৰাকীয়ে লিখিছিল, "মোৰ স্বামীক বিশেষভাৱে উল্লেখ কৰিছো, মোৰ স্বামীয়ে ধৈৰ্য সহকাৰে পুৱতি নিশা 2 বজাত মোৰ এই ফটোখন তুলিছিল ।"
উল্লেখ্য যে, আয়ুস্মান খুৰানা আৰু অপাৰশক্তি খুৰানাই আঁত ধৰিছিল ‘জী চিনে এৱাৰ্ডছ ২০২৩’ অনুষ্ঠানটো । এই বঁটা প্ৰদৰ্শনী অনুষ্ঠানত অংশগ্ৰহণ কৰে আলিয়া ভাট, কাৰ্তিক আৰিয়ান, শ্বাহিদ কাপুৰ, ৰশ্মিকা মণ্ডন্না, কিয়াৰা আদৱানী, ববি দেওল, টাইগাৰ শ্ৰফ, বৰুণ ধাৱনকে ধৰি বহুকেইগৰাকী অভিনেতা-অভিনেত্ৰীসকলে (Celebrities arrives at Zee Cine Awards 2023)।
'জী চিনে এৱাৰ্ডছ ২০২৩' বঁটা লাভ কৰা অভিনেত্ৰী-অভিনেতাৰ তালিকা (Zee Cine Awards 2023 winners list)
- শ্ৰেষ্ঠ পুৰুষ অভিনেতা: কাৰ্তিক আৰিয়ান (Bhool Bhulaiyaa 2)
- শ্ৰেষ্ঠ মহিলা অভিনেতা : আলিয়া ভাট (Gangubai Kathiawadi)
- শ্ৰেষ্ঠ ছবি: কাশ্মীৰ ফাইলছ
- দৰ্শকৰ পছন্দৰ শ্ৰেষ্ঠ অভিনেত্ৰী: আলিয়া ভাট (Darlings)
- দৰ্শকৰ পছন্দ শ্ৰেষ্ঠ অভিনেতা: অনুপম খেৰ (The Kashmir Files)
- বছৰৰ শ্ৰেষ্ঠ পুৰুষ অভিনেতা : বৰুণ ধাৱন (Jugjugg Jeeyo and Bhediya)
- বছৰৰ শ্ৰেষ্ঠ মহিলা অভিনেতা : কিয়াৰা আদৱানী (Jugjugg Jeeyo and Bhool Bhulaiyaa 2 )
- শ্ৰেষ্ঠ আত্মপ্ৰকাশ: ৰশ্মিকা মণ্ডন্না (Alvida)
- শ্ৰেষ্ঠ সহযোগী পুৰুষ অভিনেতা : অনিল কাপুৰ (Jugjugg Jeeyo)
উল্লেখ্য যে প্ৰসূতি বিৰতিৰ পিচত পুনৰ কাম আৰম্ভ কৰিছে আলিয়া ভাটে । শেহতীয়াকৈ অভিনেত্ৰীগৰাকীক দেখা গৈছিল শ্বুটিঙৰ স্থানত । অভিনেত্ৰীগৰাকীক ৰণবীৰ সিঙৰ সৈতে কৰণ জোহৰৰ পৰিচালিত ‘ৰকি আৰু ৰাণী কি প্ৰেম কাহানী’ ছবিত দেখা পোৱা যাব ।
লগতে পঢ়ক: Gangubai Kathiawadi: এবছৰীয়া যাত্ৰা সম্পূৰ্ণ গংগুবাই কাথিয়াৱাড়ীৰ, ইনষ্টাযোগে মনৰ ভাৱ প্ৰকাশ আলিয়াৰ
