চিটাৰা ডেস্ক, 15 ছেপ্টেম্বৰ: বি টাউনৰ আটাইতকৈ জনপ্ৰিয় দম্পতীৰ কথা যদি আমি কওঁ, তেন্তে নিশ্চয় আমি উল্লেখ কৰিব লাগিব ৰণবীৰ কাপুৰ আৰু আলিয়া ভাটৰ নাম। বৰ্তমান আলিয়া আৰু ৰণবীৰ নিউয়ৰ্কত ছুটীৰ ভ্ৰমণত আছে । দুয়োগৰাকী দম্পতীৰ বহু ফটোৱে প্ৰায়ে বাতৰিৰ শিৰোনাম দখল কৰে ৷ শেহতীয়াকৈ এই দম্পতীৰ এখন ফটো চৰ্চালৈ আহিছে ৷ অৱশ্যে এই ফটোখনত দুয়োগৰাকী তাৰকাৰ সৈতে উপস্থিত আছে আন এজন লোক ৷
দৰাচলতে আফগানিস্তানৰ অল-ৰাউণ্ডাৰ ৰাছিদ খানৰ সৈতে ৰণবীৰ কাপুৰ আৰু আলিয়া ভাটৰ ফটোখন পোহৰলৈ আহিছে, যিখন এতিয়া ছ’চিয়েল মিডিয়াত চৰ্চাৰ বিষয় হৈ পৰিছে ।
ৰাছিদ খানৰ সৈতে ৰণবীৰ-আলিয়া
ছবিজগতৰ পৰা বিৰতি লৈ নিউয়ৰ্কত ছুটী উপভোগ কৰি আছে ৰণবীৰ কাপুৰ আৰু আলিয়া ভাটে । প্ৰায়ে ছ’চিয়েল মিডিয়াত ভাইৰেল হোৱা দেখা যায় ৰণবীৰ আৰু আলিয়াৰ ছবি ৷ ইফালে, আফগানিস্তানৰ ক্ৰিকেট দলৰ অল-ৰাউণ্ডাৰ ৰাছিদ খানে নিজৰ অফিচিয়েল ইনষ্টাগ্ৰাম হেণ্ডেলত শেহতীয়া এখন ফটো শ্বেয়াৰ কৰিছে ।
য’ত তেওঁক দেখা গৈছে বলীউডৰ ছুপাৰষ্টাৰ ৰণবীৰ কাপুৰ আৰু আলিয়া ভাটৰ সৈতে । এই ফটোখনত ৰণবীৰ আৰু আলিয়াক ৰাছিদ খানৰ সৈতে সময় অতিবাহিত কৰা দেখা গৈছে ৷ এই ছবিখনৰ জৰিয়তে ৰাছিদ খানে লিখিছে - "বলিউডৰ দুজন ডাঙৰ অভিনেতা, আলিয়া ভাট আৰু ৰণবীৰ কাপুৰ আপোনালোক দুয়োকে লগ পাই ভাল লাগিল ।"
ৰণবীৰ, আলিয়া আৰু ৰাছিদৰ এই ফটোখন ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে । অনুৰাগীয়ে যথেষ্ট লাইক আৰু কমেণ্ট কৰিছে ছবিখনত ।
ৰণবীৰ-আলিয়াৰ যুটি দেখা যাব ‘ব্ৰহ্মাস্ত্ৰ 2’ত
যোৱা বছৰ পৰিচালক আয়ন মুখাৰ্জীৰ ছবি ‘ব্ৰহ্মাস্ত্ৰ’ত প্ৰথমবাৰৰ বাবে একেলগে দেখা গৈছিল ৰণবীৰ কাপুৰ আৰু আলিয়া ভাটৰ যুটিক । বাস্তৱ জীৱনৰ দৰেই ৰিল লাইফতো এই দুয়োৰে মাজৰ কেমেষ্ট্ৰীয়ে সকলোৰে হৃদয় জয় কৰিছিল আৰু ছবিখন ছুপাৰহিট বুলি প্ৰমাণিত হৈছিল।
আগন্তুক সময়ত ২০২৬ চনৰ ডিচেম্বৰ মাহত মুক্তি পাবলগীয়া ‘ব্ৰহ্মাস্ত্ৰ-খণ্ড ২ দেৱ’ত দেখা যাব ৰণবীৰ-আলিয়াৰ যুটি ৷
