চিটাৰা ডেস্ক, 3 অক্টোবৰ : দেওবাৰে উত্তৰ প্ৰদেশৰ পবিত্ৰ ভূমি অযোধ্যাৰ সৰায়ু পাৰত উন্মোচন কৰা হয় বহু চৰ্চিত ছবি আদিপুৰুষৰ টিজা ৰ। প্ৰভাস, কৃতি, ছৈফ আলী খান আৰু ছানী সিঙ অভিনীত ওম ৰাৱটৰ আদিপুৰুষ ছবিখনে ঘোষণাৰ পৰাই শিৰোনামা দখল কৰি আহিছে (Adipurush cast)। মেগা বাজেটৰ ছবিখনে ইয়াৰ মুখ্য যুটি প্ৰভাস আৰু কৃতিৰ মাজত কেমেষ্ট্ৰী বাবেও দৃষ্টি আকৰ্ষণ কৰিছে ।
আদিপুৰুষৰ টিজাৰ মুকলি অনুষ্ঠানটোৰ পৰা এটা ভিডিঅ’ ছ’চিয়েল মিডিয়াত ভাইৰেল হৈ পৰে ৷ ভাইৰেল ভিডিঅ’টোত অনুৰাগীসকল সাক্ষী হৈ ৰয় কৃতি সেনন আৰু প্ৰভাসৰ এক মধুৰ সময়ৰ । কৃতি আৰু প্ৰভাসক অনস্ক্ৰীণ ইমানেই পছন্দ কৰা হৈছে যে নেটিজেনে দুয়োৰে নাম সংযুক্ত কৰি "PraKri" হিচাপে সম্বোধন কৰিবলৈ লৈছে ৷
- " class="align-text-top noRightClick twitterSection" data="
">
ভাইৰেল ক্লিপটোত প্ৰভাসে চিৰিৰে নামি অহাৰ সময়ত কৃতিক সমৰ্থনৰ বাবে হাত আগবঢ়াই দিয়া দেখা পোৱা গৈছে । প্ৰভাসৰ এই ব্যৱহাৰে নিশ্চিতভাৱে কঢ়িয়াই আনিলে এটি মিঠা হাঁহি কৃতিৰ মুখলৈ ৷ বাহুবলী অভিনেতাজনক ধন্যবাদ দি আগবাঢ়ি যায় দুয়ো ।
এই দেখি অনুৰাগীসকল আনন্দত আত্মহাৰা হৈ পৰিছে ৷ দুয়ো তাৰকাৰে নামৰ প্ৰাৰম্ভিক আখৰ সংযুক্ত কৰি "PraKri" হিচাপে অভিহিত কৰিবলৈ লৈছে অনুৰাগীয়ে ৷ আদিপুৰুষৰ টিজাৰ মুকলিৰ সময়ত প্ৰভাস আৰু কৃতিয়ে আড্ডা মাৰিছিল, একেলগে হাঁহিছিল, ইজনে সিজনক সাৱটি ধৰিছিল । প্ৰভাস আৰু কৃতিয়ে শ্বেয়াৰ কৰা নিবিড় মুহূৰ্তবোৰৰ পৰা সম্পাদনা কৰিবলৈ আৰম্ভ কৰিছে অনুৰাগীসকলে ।
Adipurush টিজাৰৰ কথা ক’বলৈ গ’লে ই প্ৰায় 2 মিনিট দৈৰ্ঘ্যৰ এটা সুন্দৰ ভিডিঅ’ । প্ৰভাসক প্ৰভু ৰামৰ চৰিত্ৰত নিখুঁতভাৱে দেখা গৈছে ৷ টি ছিৰিজ আৰু ৰেট্ৰ’ফাইলছৰ দ্বাৰা নিৰ্মিত মেগা ইণ্ডিয়ান ছবি আদিপুৰুষ হৈছে 2023 চনৰ 12 জানুৱাৰীত আইমেক্স আৰু থ্ৰীডিত মুক্তি পাবলগীয়া এখন ভিজুৱেল এক্সট্ৰাভাগানজা । ভূষণ কুমাৰ, ওম, প্ৰসাদ সুতাৰ, আৰু ৰাজেশ নায়াৰৰ দ্বাৰা প্ৰযোজিত এই ছবিখন হিন্দী, তেলুগু, তামিল, মালয়ালম, আৰু কানাড়া ভাষাত মুক্তি পাব ।
লগতে পঢ়ক : Bigg Boss 16: কোনে কোনে প্ৰৱেশ কৰিব বিগবছ 16 ৰ ঘৰত জানক
