চিটাৰা ডেস্ক, 30 ছেপ্টেম্বৰ : 30 ছেপ্টেম্বৰত মুকলি কৰা হয় দক্ষিণৰ চুপাৰষ্টাৰ প্ৰভাসৰ আগন্তুক ছবি ‘আদিপুৰুষ’ৰ প্ৰথম লুক পোষ্টাৰ । ছ’চিয়েল মিডিয়াত ছবিখনৰ পোষ্টাৰ শ্বেয়াৰ কৰি ছবিখনৰ ট্ৰেইলাৰ আৰু মুক্তিৰ তাৰিখো প্ৰকাশ কৰিছে নিৰ্মাতাই । ছ’চিয়েল মিডিয়াত এটা পোষ্টৰ জৰিয়তে এই কথা জানিবলৈ দিছে ছবিখনৰ পৰিচালক ওম ৰাৱটে । 2 অক্টোবৰত 7 বাজি 11 মিনিটত মুক্তি পাব ছবিখনৰ প্ৰথমটো টিজাৰ আৰু পোষ্টাৰ ।
আদিপুৰুষ ছবিখনৰ ফাৰ্ষ্ট লুক পোষ্টাৰত অভিনেতা প্ৰভাসক ভগৱান ৰামৰ চৰিত্ৰত দেখিবলৈ পোৱা গৈছে ৷ আকাশলৈ লক্ষ্য কৰি হাতত ধনু-কাঁড় লৈ থকা প্ৰভাসক এক শক্তিশালী ৰূপত উপস্থাপন কৰা হৈছে ।
ছবিখনৰ প্ৰথমখন পোষ্টাৰ মুকলি কৰি ওম ৰাৱটে লিখিছে, ‘আৰম্ভ..., আমাৰ এই যাদুকৰী যাত্ৰাৰ আৰম্ভণিৰ অংশ হওক, উত্তৰ প্ৰদেশৰ অযোধ্যাৰ সৰায়ু নদীৰ পাৰত’ । ইয়াৰ লগে লগে পৰিচালকে জনাইছে যে 2 অক্টোবৰত ছবিখনৰ প্ৰথমটো টিজাৰ আৰু পোষ্টাৰ মুকলি কৰা হ’ব ।
- " class="align-text-top noRightClick twitterSection" data="
">
ওম ৰাৱটৰ পৰিচালনাত নিৰ্মিত এই ছবিখনত মুখ্য চৰিত্ৰত অভিনয় কৰিছে প্ৰভাস, ছৈফ আলী খান, কৃতি সেনন আৰু ছানী সিঙে (adipurush cast) । এই ছবিখনৰ ঘোষণাৰে পৰা অনুৰাগী সকল ছবিখনক লৈ আগ্ৰহী হৈ আছে । 2023 চনৰ 12 জানুৱাৰীত ছবিগৃহলৈ আহিব ছবিখন ।
সংবাদ মাধ্যমৰ খবৰ অনুসৰি আদিপুৰুষ ছবিখন প্ৰায় 500 কোটি টকাৰ বাজেটত নিৰ্মাণ কৰা হৈছে (adipurush budget) । কোৱা হৈছে যে প্ৰভাসক ভগৱান ৰাম আৰু ছৈফ আলী খানক লংকাপতি ৰাৱণৰ চৰিত্ৰত দেখা যাব ।
লগতে পঢ়ক : Ranveer Singh latest news: দীপিকাৰে সৈতে বিচ্ছেদৰ সম্পৰ্কত মৌনতা ভংগ কৰিলে ৰণবীৰ সিঙে
