চিটাৰা ডেস্ক, 5 অক্টোবৰ: 2024 চনত অনুষ্ঠিত হ’ব লোকসভা নিৰ্বাচন ৷ ইয়াৰ বাবে এতিয়াৰে পৰাই সাজু হৈছে প্ৰতিটো ৰাজনৈতিক দল ৷ শাসকীয়ৰ পৰা বিৰোধীলৈকে সকলোৱে চলাইছে জোৰদাৰ প্ৰস্তুতি ৷ কিন্তু লোকসভা নিৰ্বাচনৰ পূৰ্বে শাসকীয় দলে লাভ কৰিছে মোক্ষম আঘাত ৷ দক্ষিণৰ পৰা বিজেপিয়ে লাভ কৰিছে বৃহৎ আঘাত ৷ দৰাচলতে দক্ষিণৰ ছুপাৰষ্টাৰ পৱন কল্যানে এন ডি এৰ পৰা নিজকে আঁতৰাই ৰাখিছে । 2024 চনৰ লোকসভা নিৰ্বাচনলৈ মাত্ৰ 7 মাহ বাকী থকা অৱস্থাতে বিজেপিক বাই-বাই দিছে দক্ষিণ ছুপাৰষ্টাৰগৰাকীয়ে ।
পৱন কল্যানে এন ডি এ ত্যাগ কৰা আঁৰৰ কাৰণ কি ?
পৱন কল্যানে এন ডি এ ত্যাগ কৰাৰ আঁৰৰ কাৰণ অন্ধ্ৰ প্ৰদেশৰ প্ৰাক্তন মুখ্যমন্ত্ৰী চন্দ্ৰবাবু নাইডুক সমৰ্থন কৰা । আগন্তুক নিৰ্বাচনৰ বাবে জনসেনা দলে অৰ্থাৎ পৱন কল্যানৰ দলে চন্দ্ৰবাবুৰ টিডিপি (তেলেগু দেশম পাৰ্টি)ক সমৰ্থন কৰিব ।
শেহতীয়াকৈ কৃষ্ণ জিলাৰ পেডানাত এখন ৰাজহুৱা সভাত ভাষণ দি অভিনেতাগৰাকীয়ে কয়, টিডিপি এটা শক্তিশালী দল আৰু অন্ধ্ৰপ্ৰদেশত সুশাসনৰ বাবে টিডিপি থকাটো অতি গুৰুত্বপূৰ্ণ ৷ টিডিপিয়ে বহুত সংগ্ৰাম কৰি আছে আৰু আমি ইয়াক সমৰ্থন কৰিম, এই সময়ত টিডিপি জনসেনাৰ প্ৰয়োজন, যদি টিডিপি আৰু জনসেনাই হাত মিলাই তেন্তে ৰাজ্যৰ পৰা YSRCP ক মচি পেলাব পৰা যাব ।
উল্লেখযোগ্য যে, ১৪ ছেপ্টেম্বৰত পৱন কল্যাণ ৰাজামুন্দ্ৰী কেন্দ্ৰীয় কাৰাগাৰত প্ৰাক্তন মুখ্যমন্ত্ৰী চন্দ্ৰবাবু নাইডুক সাক্ষাৎ কৰিবলৈ গৈছিল, য’ত তেওঁক দক্ষতা বিকাশৰ গোচৰত ন্যায়িক জিম্মালৈ প্ৰেৰণ কৰা হৈছিল ।
