চিটাৰা ডেস্ক, 27 জানুৱাৰী : বলীউডৰ তিনিও খানৰ ভিতৰত তৃতীয়জনে হয়তো পাঠানত বাকী দুইজনৰ লগত স্ক্ৰীণ শ্বেয়াৰ কৰা নাই, কিন্তু সেই তৃতীয় জন খানৰ ভগ্নীয়ে শ্বাহৰুখৰ এই ছবিখনত অভিনয় কৰি দৰ্শকক আপ্লুত কৰে লগতে আচৰিতো কৰি তোলে কিয়নো বহুতে জনাই নাছিল যে সেই তিনিও খানৰ মাজৰে কোনোবা এজনৰ তেওঁ সম্পৰ্কীয় ৷
হয় আপোনালোকে ঠিকেই অনুমান কৰিছে ৷ ছবিখনত শ্বাহৰুখৰ সৈতে ছলমানক দেখা পোৱাৰ পিছত তিনিও খানৰ মাজত বাকী হৈ ৰোৱা খান জন হৈছে আমীৰ খান ৷ আমীৰ খানৰ ডাঙৰ ভগ্নী নিখাতে অভিনয় কৰিছে পাঠানত ৷ শ্বাহৰুখ খানৰ সৈতে পাঠান ছবিত অভিনয় কৰা এটা দৃশ্যৰ এটা ষ্টিল ছ’চিয়েল মিডিয়াত শ্বেয়াৰ কৰি ইণ্টাৰনেটত খলকনি তোলে নিখাতে । চিনেমাখনত নিখাত খান হেগড়েই এগৰাকী আফগান মহিলাৰ চৰিত্ৰত অভিনয় কৰিছে ৷ শ্বাহৰুখক বিপদৰ সময়ত সহায় কৰি আশীৰ্বাদ দিয়া দেখা গৈছে নিখাতক ।
- " class="align-text-top noRightClick twitterSection" data="
">
নিখাতে তাইৰ এজন অনুৰাগীৰ প্ৰতিক্ৰিয়াও প্ৰকাশ কৰিছিল, যিয়ে উল্লেখ কৰিছিল যে তেওঁ তেওঁৰ দুজন প্ৰিয় লোকক এটা ফ্ৰেমত দেখিব পাৰিছে, "ইমান আশ্চৰ্যজনক মেম, @nikhat3628 এটা ফ্ৰেমত মোৰ প্ৰিয় দুজন" ৷ আন এজন ইনষ্টাগ্ৰাম ব্যৱহাৰকাৰীয়ে কেৱল লিখিছিল: "হামাৰী নিখাত" ৷ নিখাতে তুম মেৰে হো, হাম হে ৰাহি প্যাৰ কে, মাদহোশ আৰু লগানৰ দৰে চলচ্চিত্ৰ নিৰ্মাণ কৰিছে । তেওঁ মিছন মংগল, সান্দ কি আঁখ আৰু তানহাজী: দ্য আনচাং ৱাৰিয়াৰতো অভিনয় কৰিছে ।
- " class="align-text-top noRightClick twitterSection" data="
">
পাঠানত অভিনয় কৰিছে দীপিকা পাডুকন, জন আব্ৰাহাম, ডিম্পল কাপাদিয়া আৰু আশুতোষ ৰানাই । এই ছবিখনে সমগ্ৰ ভাৰতত 57 কোটি টকা অৰ্জনেৰে (এন বি অ’ চি) অভিলেখ সৃষ্টি কৰিছে । দীপিকা পাডুকন, জন আব্ৰাহামৰ লগতে অসমৰ অভিনেতা দিগন্ত হাজৰিকাই অভিনয় কৰা এই ছবিখন হিন্দী, তামিল আৰু তেলুগু ভাষাত মুক্তি দিয়া হৈছে (Pathaan cast) ।
ছবিখনৰ ব্যৱসায়ৰ 57 কোটি টকাৰ ভিতৰত 55 কোটি টকা হিন্দী বজাৰৰ পৰা আৰু বাকী 2 কোটি টকা তেলুগু আৰু তামিল ভূখণ্ডৰ পৰা আহিছে বুলি জ্যেষ্ঠ চলচ্চিত্ৰ বাণিজ্য বিশ্লেষক তৰণ আদৰ্শে প্ৰকাশ কৰিছে । এই ছবিখনে কেজিএফ: চেপ্টাৰ 2 ৰ হিন্দী সংগ্ৰহক অতিক্ৰম কৰিলে, যি খন ছবিয়ে 53.95 কোটি টকা লাভ কৰিছিল আৰু 2019 চনৰ দুজন নায়ক থকা ছবি ৱাৰে 51.60 কোটি টকা সংগ্ৰহ কৰিছিল ।
বিশ্বব্যাপী সংগ্ৰহৰ ক্ষেত্ৰত ছবিখনে 100 কোটি টকাৰো অধিক ধন সংগ্ৰহ কৰা বুলি জানিব পৰা গৈছে ।
লগতে পঢ়ক : Pathaan collection: মুক্তিৰ দিনাই 55 কোটি টকা অৰ্জনেৰে ৰেকৰ্ড পাঠানৰ
