চিটাৰা ডেস্ক, 30মে’ : দীঘলীয়া বিৰতিৰ মূৰত আমিৰ খান আৰু কৰীণা কাপুৰ খানক একেলগে দেখা পোৱা যাব ৰূপালী পৰ্দাত ৷ থ্ৰি ইডিয়টছত আমীৰ-কৰীণাৰ কেমেষ্ট্ৰী প্ৰতিজন দৰ্শকৰে মনত এতিয়াও সজীৱ হৈ আছে ৷ তাৰ পিছৰে পৰাই দুয়োৰে অনুৰাগী অধীৰ আগ্ৰহেৰে ৰৈ আছিল দুয়োকে পুনক একেলগে দেখাৰ বাবে ৷ অৱশেষত লাল সিং চাড্ডা ছবিখনৰ কথা ঘোষণা কৰাৰ লগে লগে উৎফুল্লিত হৈ পৰে দৰ্শকসকল ৷ লাল সিং চাড্ডা ছবিখনত আমীৰ আৰু কৰীণাই মুখ্য চৰিত্ৰত অভিনয় কৰিছে ৷
- " class="align-text-top noRightClick twitterSection" data="">
বহু প্ৰতীক্ষিত 'লাল সিং চাড্ডা' ছবিখনৰ ট্ৰেইলাৰটো দেওবাৰে সন্ধিয়া মুকলি কৰা হয় (Laal Singh Chaddha trailer) ৷ মুকলিৰ পিছতেই ট্ৰেইলাৰটোৱে দৰ্শকৰ পৰা যথেষ্ট প্ৰশংসা বুটলিবলৈ সক্ষম হয় ৷ দৰ্শকক আৱেগিক কৰি তোলে ট্ৰেইলাৰটোৱে । প্ৰায় 3 মিনিট দৈৰ্ঘৰ ট্ৰেইলাৰটোত ছবিখনৰ মুখ্য চৰিত্ৰ লাল সিং চাড্ডাৰ আকৰ্ষণীয় আৰু নিষ্পাপ পৃথিৱীখনৰ আভাস দিয়া হৈছে । লাল সিং চাড্ডাৰ দৃষ্টিভংগীৰে আগবঢ়াই লৈ যোৱা তেওঁৰ জীৱনটোৰ বিষয়েই হৈছে চলচ্চিত্ৰখনৰ মূল বিষয়বস্তু (Laal Singh Chaddha story) ।
ট্ৰেইলাৰত বিশেষভাৱে সক্ষম আমীৰৰ কণ্ঠ আৰু তেওঁৰ চেহেৰাটোৱে ৰাজকুমাৰ হিৰাণীৰ 'পিকে' চৰিত্ৰটোলৈ পুনৰ মনত পেলাই দিছে । ছবিখনত বহুতো মনোৰম ঠাই দেখুওৱা হৈছে, যিয়ে ভাৰতীয় ঐতিহ্যক সুন্দৰকৈ দাঙি ধৰিব ৷ কৰীণাৰ সৈতে আমীৰৰ কেমেষ্ট্ৰীয়ে আকৌ এবাৰ খলকনি তুলিব নিশ্চয়কৈ ৷ জনপ্ৰিয় টিভি তাৰকা মনা সিঙক আমীৰৰ মাতৃৰ চৰিত্ৰত দেখিবলৈ পোৱা যাব ৷
- " class="align-text-top noRightClick twitterSection" data="">
আমীৰ আৰু নিৰ্মাতা অদ্বৈত চন্দনে 'চিক্ৰেট চুপাৰষ্টাৰ'ত একেলগে কাম কৰাৰ পিছত পুনৰ 'লাল সিং চাড্ডা'ৰ বাবে যুটি বান্ধিছে । আমীৰ খান প্ৰডাকচন, কিৰণ ৰাও আৰু ভায়াকম18 ষ্টুডিঅ'ৰ দ্বাৰা প্ৰযোজিত এই ছবিখনত চৈতন্য আক্কিনেনীয়েও অভিনয় কৰিছে ৷ ছবিখনে চলিত বৰ্ষৰ ১১ আগষ্টত মুক্তি লাভ কৰিব ।
লগতে পঢ়ক: Prithviraj Chauhan movie: অৱশেষত নাম সলনি হ’ল পৃথ্বীৰাজৰ
