লখিমপুৰ মহাবিদ্যালয়ত বৰ্তমানেও অব্যাহত ভোটদান

বিয়লিৰ ভাগৰ পৰা দীঘলীয়া শাৰী পাতি নিজৰ ভোটাধিকাৰ সাব্যস্ত কৰিবলৈ ৰৈ থাকে ভোটাৰ ৰাইজ

লখিমপুৰ, 11 এপ্ৰিলঃ লখিমপুৰত নিৰ্ধাৰিত পাঁচ বজাৰ পিচটো অব্যাহত আছে ভোটদান ৷ লখিমপুৰ মহাবিদ্যালয়স্থিত ভোটদান কেন্দ্ৰত বৰ্তমানেও দেখিবলৈ পোৱা গৈছে ভোটাৰৰ দীঘলীয়া শাৰী ৷

সমগ্ৰ লখিমপুৰ জিলাত বিয়লি ছয় বজালৈ সৰ্বাধিক 63 শতাংশ ভোটদান হৈছে যদিও আৰু বৃদ্ধি পাব ভোটদানৰ হাৰ ৷ নিজৰ ভোটাধিকাৰ সাব্যস্ত কৰিবলৈ বিয়লি তিনি বজাৰ পৰাই শাৰী পাতি আছে অসংখ্য ভোটাৰে ৷ নিশা আঠ বজালৈ কেন্দ্ৰটোত ভোটদান প্ৰক্ৰিয়া চলি থাকিব বুলি প্ৰকাশ কৰিছে একাংশ ভোটাৰে ৷ লখিমপুৰৰ পৰা নীলপৱন সভাপণ্ডিতৰ এক প্ৰতিবেদন