চামগুৰি, 17 জুন : নগাঁও জিলাৰ দগাঁও আৰক্ষী পহৰা চকীৰ অন্তৰ্গত জামুগুৰি গাঁৱৰ দুজন লোক ঘৰত চুৰি কাণ্ড সংঘটিত হয় ৷ চুৰি কাণ্ডটোৰ উমান পাই স্থানীয় ৰাইজে খেদি খেদি আটক কৰে চোৰ দুটাক ৷
প্ৰাপ্ত তথ্যমতে, জামুগুৰি গাঁৱৰ বাসিন্দা আব্দুল আলিম আৰু আবু নচৰ নামৰ লোক দুজনৰ ঘৰত বুধবাৰে নিশা প্ৰায় ১.৩০ বজাত শিয়ালমাৰী গাঁৱৰ জীয়াবুৰ ৰহমান আৰু কামপুৰৰ গিলানী গাঁৱৰ হাসেম আলীয়ে দৰ্জা ভাঙি প্ৰৱেশ কৰে ৷
আব্দুল আলিমৰ ঘৰৰ পৰা এটা ম'বাইল, 9 হাজাৰ টকা আৰু আবু নচৰৰ ঘৰৰ পৰা দুটা ম'বাইল, দুডাল ৰূপৰ চেইন আৰু 8 হাজাৰ টকালৈ পলায়ন কৰিবলৈ চেষ্টা কৰাৰ সময়তে স্থানীয় ৰাইজে খেদি খেদি হাসেম আলী আৰু জীয়াবুৰ ৰহমানক আটক কৰে যদিও আন এটা চোৰ পলায় যাবলৈ সক্ষম হয় ৷
ধৃতচোৰ দুটাৰ পৰা চুৰিকৰি নিয়া তিনিটা ম'বাইল ফোন (MOBILE PHONE) সহ প্ৰায় ৫ হাজাৰ টকা উদ্ধাৰ কৰিবলৈ সক্ষম হয়। উল্লেখ্য যে, উক্ত চুৰি কাণ্ডত আন এটা চোৰ থকাৰ কথা ধৃত চোৰ চুৰ দুটাই ৰাইজৰ আগত সদৰি কৰে ৷
উক্ত ঘটনাটো স্থানীয় ৰাইজে দগাঁও (DAGAON OUT POST) আৰক্ষী চকীত অৱগত কৰে ৷ ইতিমধ্যে ঘটনাস্থলীত দগাঁও আৰক্ষী চকীৰ ভাৰপ্ৰাপ্ত আৰক্ষী বিষয়া ফজৰ আলীৰ নেতৃত্বত যোৱা আৰক্ষীৰ এটা দলে চোৰ দুটাক থানালৈ লৈ যায় ।
লগতে পঢ়ক-দিল্লী হিংসা:কাৰাবন্দী তিনি অভিযুক্ত শিক্ষাৰ্থীক মুক্তিৰ নিৰ্দেশ আদালতৰ
