সোণাপুৰ, 18 জুলাই : ৰাজ্যত পুনৰ মানৱতাক লজ্জিত কৰা কাণ্ড ৷ সোণাপুৰত সংঘটিত হৈছে জঘন্য কাণ্ড (Minor girl rape at Sonapur) ৷ পানী খোৱাৰ চলেৰে পিতৃ বয়সৰ লোকৰ কামনাৰ বলি হ'ল বিশেষভাৱে সক্ষম কিশোৰী (Specially abled girl rape) ৷
ঘটনা অনুসৰি সোণাপুৰৰ ডিগাৰুপাৰত ঘৰত কোনো নথকাৰ সুযোগ লৈ বাবুল দেৱনাথ নামৰ 52 বছৰীয়া লোকজনে কিশোৰীগৰাকীক পানী খাবলৈ বিচাৰিলে ৷ কিশোৰীগৰাকীয়ে পানী অনালৈ বাবুলে গ্ৰীল খুলি পূজা কৰা ঘৰত মনে মনে লুকাই থাকে ৷ কিশোৰীগৰাকীয়ে পানী দিবলৈ আহি লোকজনক নেদেখি পুনৰ টিভি চাবলৈ কোঠালৈ সোমাই যায় (Crime news at Sonapur) ৷
লগে লগে বাবুলে পূজা ঘৰৰ পৰা উলাই আহি বিশেষভাৱে সক্ষম কিশোৰীগৰাকীক পিছফালৰ পৰা গামোছাৰে মুখত বান্ধ দি অসৎ কামনা চৰিতাৰ্থ কৰে (Rape news at Sonapur) ৷ ইয়াৰ পিছতে ভুক্তভোগী কিশোৰী গৰাকীৰ পৰিয়ালৰ লোকে সোণাপুৰ আৰক্ষী থানাত এজাহাৰ দাখিল কৰে ৷ এই এজাহাৰৰ ভিত্তিত সোণাপুৰ আৰক্ষীয়ে বাবুল দেৱনাথক গ্ৰেপ্তাৰ কৰে (Rape accused arrested) ৷
উল্লেখ্য যে, বাবুল দেৱনাথ ইয়াৰ পূৰ্বেও ধৰ্ষণৰ গোচৰত জেইললৈ গৈছিল ৷ জেইলৰ পৰা মুকলি হৈ আহিয়েই পুনৰ এই জঘন্য ঘটনা সংঘটিত কৰে বাবুলে (Rape accused arrested) ৷ ইয়াৰোপৰি এই ঘটনাৰ সন্দৰ্ভত গোচৰ ৰুজু কৰাৰ কাৰণে জেইলৰ পৰা ওলাই আহিয়েই পৰিয়ালটোক মাৰি পেলোৱাৰ ভয়-ভাবুকি দেখুৱাই বুলি জনায় ভুক্তভোগীৰ পৰিয়ালে ৷
লগতে পঢ়ক : Rape case in Nalbari: বন্ধুৰ বিৰুদ্ধে যৌন নিৰ্যাতনৰ অভিযোগ
