জনীয়া, 7 ফেব্ৰুৱাৰী : কলগাছিয়াৰ জয়পুৰত বিঘাই বিঘাই কৰা হৈছে নিষিদ্ধ আফিং খেতি । বিগত দুদিন পূৰ্বে বাতৰি সম্প্ৰচাৰ হোৱাৰ পাছত বৰপেটা প্ৰশাসনে চিনাক্ত কৰিলে নিচাজাতীয় আফিং খেতিৰ উক্ত স্থান । আফিং খেতিৰ তথ্য লাভ কৰাৰ পাছতে আৰক্ষীয়ে নিৰ্দিষ্ট স্থানত উপস্থিত হৈ নষ্ট কৰে বিঘাই বিঘাই আফিং খেতিখিনি ।
লগতে পঢ়ক : বৰপেটা আৰক্ষীৰ অভিযানত বিঘাই বিঘাই আফিং খেতি ধ্বংস
বৰপেটা জিলাৰ কলগাছিয়া আৰক্ষী থানাৰ ময়নবৰী আৰক্ষী চকীৰ অন্তৰ্গত জয়পুৰ গাঁওত একাংশ লোকে কৰিছিল নিচা জাতীয় আফিং খেতি । প্ৰায় আঢ়ৈ বিঘা খেতি ঠিকা লৈ কৰিছিল নিচাজাতীয় দ্ৰব্যৰ খেতিখিনি । এই খবৰ লাভ কৰাৰ পাছতেই আজি কলগাছিয়া আৰু ময়নবৰীৰ আৰক্ষীয়ে নষ্ট কৰি পেলাই নিষিদ্ধ আফিং খেতিখিনি ।
লগতে পঢ়ক : কলগাছিয়াত বিঘাই বিঘাই চলিছে নিষিদ্ধ আফিং খেতি
