ধুবুৰী, 28 জানুৱাৰী : ধুবুৰী জিলাৰ নৱ প্ৰজন্মৰ খেলুৱৈ সকলৰ কথা চিন্তা কৰি ১৯৮৬ চনত প্ৰফুল্ল কুমাৰ মহন্তৰ চৰকাৰৰ (Prafulla Mahanta government) দিনত আধাৰশিলা স্থাপন কৰা হৈছিল ধুবুৰীৰ ঝাগৰাৰপাৰ ষ্টেডিয়ামৰ । প্ৰাক্তন মুখ্যমন্ত্ৰী প্ৰফুল্ল কুমাৰ মহন্তই আধাৰশিলা স্থাপনৰ দহ বছৰ পিছত আৰম্ভ হৈছিল ষ্টেডিয়ামৰ নিৰ্মাণ কাৰ্য্য । ধুবুৰীৰ ঝগৰাৰপাৰ অঞ্চলৰ ২৫ বিঘা মাটিত নির্মাণকাৰ্য আৰম্ভ হোৱা ষ্টেডিয়ামৰ উন্নয়নৰ নামত বিগত দিনৰ চৰকাৰে ভাগে ভাগে কেইবাটাও আঁচনিৰ জৰিয়তে লাখ লাখ টকা মোকোলাই দিলে ।
বৰ্তমানলৈকে ১কোটি ১৬ লাখ টকাৰ কাম কৰা হৈছে এইখন ষ্টেডিয়ামত। যদিওঁ সম্পূৰ্ণ নহল ধুবুৰীৰ ঝগৰাৰপাৰ একমাত্ৰ ষ্টেডিয়ামখনৰ । ইপিনে ২০০৮ চনত প্ৰয়াত তৰুণ গগৈ চৰকাৰৰ (Tarun Gogoi government) দিনত NLCPR আঁচনিৰ জৰিয়তে ২ কোটি ৬১ লাখ টকা মোকোলাই দিছিল যদিওঁ সেই ধনৰাশিৰ কোনো কাম নকৰিলে জিলা প্ৰশাসনে । তাৰ পিছত সৰ্বানন্দ সোণোৱাল চৰকাৰৰ দিনত ১ কোটি ২০ লাখ টকাৰ আন এটা প্ৰজেক্ট প্ৰস্তুত কৰি গড়কপ্তানী বিভাগে জমা দিছিল যদিওঁ আজিলৈকে চৰকাৰে আৱণ্টন দিয়া নাই ।
দিনে নিশাই ষ্টেডিয়ামত চলিছে ড্ৰাগছৰ কাৰবাৰ । শেহতীয়াকৈ, মন্ত্ৰী বিমল বৰাই জিলা উপায়ুক্তক লগত লৈ বুজ ললে ষ্টেডিয়ামৰ (Minister Bimal bora visits Dhuburi) । ৰাজ্য চৰকাৰে ড্ৰাগছৰ বিৰুদ্ধে পদক্ষেপ লোৱাৰ বিপৰীতে ক্ৰীড়াৰ ক্ষেত্ৰ খনত যথেষ্ট গুৰুত্ব দিছে বুলি মন্তব্য কৰি শীঘ্ৰেই আঁচনিৰ টকা খিনি মোকোলাই দিয়াৰ লগতে নতুন আঁচনিৰ জৰিয়তে ষ্টেডিয়ামৰ নির্মাণকাৰ্য সম্পন্ন কৰাৰ আশ্বাস প্ৰদান কৰে।
লগতে পঢ়ক : Cattle smuggling in Assam : কলিয়াবৰত চোৰাংভাৱে সৰবৰাহ কৰা গৰু সহ আটক দুজন
