মাৰ্ঘেৰিটাত জব্দ চোৰাং বালি ভৰ্তি ট্ৰাক

মাৰ্ঘেৰিটা খণ্ডৰ 2 নং ডিবং গাঁৱৰ ৰাইজে দুখন চোৰাং বালি ভৰ্তি ট্ৰাক জব্দ কৰে । ভোলা ভট্ট নামৰ এজন বালি মাফিয়াই দীৰ্ঘদিন ধৰি এনেদৰে অবৈধ ভাৱে ট্ৰাকে ট্ৰাকে বালি কঢ়িয়াই নিয়াৰ অভিযোগ উত্থাপন কৰিছে ৰাইজে ।

মাৰ্ঘেৰিটা, ৫ জুন : ডিগবৈ বন সংমণ্ডলৰ অধীনৰ মাৰ্ঘেৰিটা খণ্ডৰ 2 নং ডিবং গাঁৱৰ ৰাইজে দুখন চোৰাং বালি ভৰ্তি ট্ৰাক জব্দ কৰে । বুধবাৰে ট্ৰাক দুখন জব্দ কৰি মাৰ্ঘেৰিটা বন বিভাগক চমজাই দিয়াৰ পাছতে নথি পত্ৰ বিচৰাত সমগ্ৰ ঘটনা পোহৰলৈ আহে ।

বিনা নথি পত্ৰৰে ডিগবৈৰ নিবাসী ভোলা ভট্ট নামৰ বালি মাফিয়াজনে দীৰ্ঘদিন ধৰি এনেদৰে অবৈধ ভাৱে ট্ৰাকে ট্ৰাকে বালি কঢ়িয়াই নিয়াৰ অভিযোগ উত্থাপন কৰিছে ৰাইজে ।