তিনিচুকীয়া, 14 ছেপ্টেম্বৰ: বিগত 13 ছেপ্টেম্বৰত ডিগবৈত আলফা(স্বা)ৰ ৰূপম অসমৰ সৈতে যোগসূত্ৰ ৰক্ষা কৰাৰ অভিযোগত তিনিজন যুৱকক আটক কৰিছিল ডিগবৈ আৰক্ষীয়ে । আটকাধীন তিনি যুৱক ক্ৰমে বৰডুমচা ৰতনি পথাৰ গাঁৱৰ হৰকান্ত মৰাণ (২৪), মিহলি ঋতুপথাৰ গাঁৱৰ কলিয়া দহোটীয়া (৩৬) আৰু বৰডুমচাৰ দিপ্লৱ ফুকন (২৭) ।
ইয়াৰ পিছতে বুধবাৰে আলফা(স্বা)য়ে এক প্ৰেছ বিবৃতিৰ জৰিয়তে এই তিনি যুৱকৰ সৈতে আলফা (স্বা)ৰ কোনো নেতা, বিষয়া তথা সদস্যৰ কোনোধৰণৰ যোগসূত্ৰ নাই বুলি অৱগত কৰে (Press release by ULFA (I)) । আনহাতে বিগত আগষ্ট মাহত সোণাৰি আৰু নিতাইপুখুৰীৰ পৰা দুগৰাকী নিৰীহ যুৱকক সেনা-আৰক্ষীয়ে আলফা (স্বা)ৰ যোগাযোগকাৰী সজাই জেললৈ প্ৰক্ষেপ কৰা সন্দৰ্ভতো সেয়া ভুৱা প্ৰচাৰ বুলি অভিযোগ উত্থাপন কৰে আলফা (স্বা)য়ে ।
লগতে এনে অপপ্ৰচাৰত পতিয়ন নাযাবলৈ বিবৃতিৰ জৰিয়তে আলফা(স্বা)য়ে অসমবাসীক গোহাৰি জনায় ।
লগতে পঢ়ক: প্ৰধানমন্ত্ৰী আবাস যোজনা ৰূপায়নত ব্যৰ্থ ৰাজ্য চৰকাৰ
