তিনিচুকীয়া,15মাৰ্চ: অইল ইণ্ডিয়া লিমিটেডে সামাজিক দায়বদ্ধতা আঁচনিৰ সৌজন্যত তিনিচুকীয়া আৰু ডিব্ৰুগড় জিলাত 'অইল উর্জা সৌৰ সমাধা সুখী পৰিয়াল কাৰ্যসূচী' হাতত লৈছিল ৷ শুকুৰবাৰে ডঃ ভূপেন হাজৰিকা সেতুৰ সমীপৰ জি’ৰ পইণ্টত সামৰণি পৰে এই প্ৰকল্পৰ কাম ৷ ইপিনে এই অনুষ্ঠানৰ সামৰণি উপলক্ষে সামগ্ৰী বিতৰণৰ বাবে আয়োজিত এক অনুষ্ঠানত অঞ্চলটোৰ চোৰাং চিকাৰী প্ৰতিৰোধী শিবিৰৰ 64 টা পৰিয়ালক সৌৰ ঘৰুৱা বিজুলী ব্যৱস্থা, সৌৰ চাকি, আধুনিক জীৱাশ্ম ৰন্ধন ষ্ট্ৰভ প্ৰদান কৰে দেশৰ আগশাৰীৰ ৰাজহুৱা উদ্যোগিক প্ৰতিষ্ঠানটোৱে । লগতে ধলাৰ মিৰিগাঁৱৰ 286 টা পৰিয়ালকো সৌৰ চাকি বিতৰণ কৰে অইল ইণ্ডিয়া কতৃপক্ষই ।
অইল ইণ্ডিয়াৰ জনকল্যাণমূলক আচনি
