তেজপুৰ, 13 ফেব্ৰুৱাৰী: বৃহস্পতিবাৰে হিমালয়ান পাদদেশৰ অৰুণাচল প্ৰদেশৰ মেচুকা আৰু টুটিংৰ এডভাঞ্চ লেণ্ডিং গ্ৰাউণ্ড পৰিদৰ্শন কৰে ভাৰতীয় বায়ু সেনা বাহিনীৰ এয়াৰ অফিচাৰ কামাণ্ডিং ইন চিফ ইষ্টাৰ্ন কামাণ্ডাৰ এয়াৰ মাৰ্চেল আৰ ডি মাথুৰে ৷ এই পৰিদৰ্শন কালত এডভাঞ্চ লেণ্ডিং গ্ৰাউণ্ডৰ প্ৰস্তুতি সম্পৰ্কে বুজ লয় কামাণ্ডাৰগৰাকীয়ে ৷ ইষ্টাৰ্ন কামাণ্ডৰ বায়ু সেনা বিষয়াজনৰ লগত উপস্থিত থাকে যোৰহাট বায়ু সেনা বাহিনীৰ এয়াৰ কমাণ্ডোৰ এম. কে.ঝা ৷
অৰুণাচল প্ৰদেশৰ সু-উচ্চ পাহাৰৰে পৰিপূৰ্ণ মেচুকা ভাৰত-চীন সীমান্তৱৰ্তী অতি স্পৰ্শকাতৰ অঞ্চল ৷ সেনা বাহিনীৰ জৰুৰীকালীন কাৰ্যকলাপ আৰু স্থানীয় লোকৰ সময় উপযোগী যোগাযোগ স্থাপন কৰিবৰ বাবে একে সময়তে অৰুণাচল প্ৰদেশত 8 খন এডভাঞ্চ লেণ্ডিং গ্ৰাউণ্ড উদ্বোধন কৰা হৈছিল ৷
ভাৰতীয় বায়ু সেনাবাহিনীয়ে এয়াৰ মেন্টেনেঞ্চ,অৰুণাচল প্ৰদেশৰ পৰিবহণ বিভাগৰ,ভাৰতীয় সেনা বাহিনী, ইণ্ডো তিব্বতিয়ান বৰ্ডাৰ পুলিচ ফৰ্চ আৰু বৰ্ডাৰ ৰ'ডৰ ব্যৱহাৰৰ বাবে,সীমান্ত এলেকাত সেনা বাহিনী মোটায়েনৰ বাবে এই গ্ৰাউণ্ড ব্যৱহাৰ কৰা হ’ব ৷ মাথুৰে পৰিদৰ্শনকালত বিভিন্ন বিষয়াৰ লগতে ইয়াৰ ক্ষেত্ৰ ভিত্তিক পৰ্যবেক্ষণ কৰে ৷
উল্লখযোগ্য যে, যি সময়ত ভাৰতীয় সেনা বাহিনীৰ 3য় আৰু 4ৰ্থ কৰ্পচৰ নতুন সেনা প্ৰধানে দায়িত্ব লোৱাৰ পিছতে সমগ্ৰ অৰুণাচল প্ৰদেশৰ তীন সীমান্ত আৰু ম্যানমাৰৰ পাদদেশত এক যুদ্ধকালীন কুচ-কাৱাজ অব্যাহত আছে ৷
