ঢেকীয়াজুলি, 30 এপ্ৰিলঃ ঢেকীয়াজুলি সমষ্টিৰ বেলশিৰি নৈৰ ওপৰত থকা বাঁহৰ দলঙৰ দুৰাৱস্থা। এখন দলঙৰ অভাৱত যুগ যুগ ধৰি যাতায়াতৰ ক্ষেত্ৰত চৰম দুৰ্ভোগ ভুগিছে ঢেকীয়াজুলি অঞ্চলৰ ৰাইজে ৷ এসময়ত এই বাঁহৰ দলঙখনৰ ঠাইতেই আছিল অসমৰ সৰ্ববৃহৎ দীঘল কাঠৰ দলঙখন । কিন্তু বেলশিৰি নৈখনৰ বাঢ়নী পানীৰ কৱলত পৰি নিঃচিহ্ন হৈছিল দীঘল কাঠৰ দলঙখন ৷
আৰু পঢ়কঃ তেজপুৰত প্ৰকাণ্ড অজগৰ উদ্ধাৰ
এই ক্ষেত্ৰত ৰাইজে বিভাগীয় কৰ্তৃপক্ষ তথা স্থানীয় বিধায়কজনক বহুবাৰ জনোৱাৰ পিচতো অন্ত নপৰিল যাতায়তৰ সমস্যাৰ । গুৰুত্বপূৰ্ণ বিষয়টো হ'ল যে, ৰাইজৰ শ্ৰমদানত নিৰ্মিত এই বাঁহৰ দলঙখনৰ ওপৰেদি খুটাপুটা, এৰাবাৰীৰ ছাত্ৰ-ছাত্ৰীসকলে প্ৰতিদিন বিপদ সংকুলভাবে মিছামাৰী উচ্চতৰ মাধ্যমিক বিদ্যালয়লৈ যাব লাগে। তদুপৰি বাঁহৰ দলঙখন জৰাজীর্ণ হৈ যোৱাৰ পাচত ছাত্ৰ- ছাত্ৰীসকলে এইদৰে নৈৰ পানীৰ ওপৰেদিয়ে অব্যাহত ৰাখে যাতায়াত ব্যৱস্থা।
