শিৱসাগৰত শিলাবৃষ্টিৰ ভয়ংকৰ ৰূপ

শতাধিক পৰিয়ালৰ বিস্তৰ ক্ষতি

শিৱসাগৰ, ৬ মাৰ্চ: মঙলবাৰে নিশা অহা এজাক প্ৰচণ্ড শিলাবৃষ্টিয়ে উজনি অসমৰ বিভিন্ন স্থানৰ লগতে শিৱসাগৰৰ বিভিন্ন ঠাইতোব্যাপক ক্ষতিসাধন কৰে ।

বিশেষকৈ শিৱসাগৰৰ আমগুৰিত ব্যাপক ক্ষয়-ক্ষতি পৰিলক্ষিত হয় । ডাঙৰ আকাৰৰ শিলে বহু ঘৰ-দুৱাৰৰক্ষতি কৰাৰ লগতে ধুমুহাৰ ফলত ভাঙি পৰে বহুকেইটা ঘৰ আৰু গছ-গছনি । এই প্ৰচণ্ড শিলাবৃষ্টিত আমগুৰিৰ হাফলুটিং, ন-পাম, খামুন, মলখুবচা আদি গাঁৱৰ শতাধিক পৰিয়ালৰ বয়-বস্তুৰ লগতে বিস্তৰ ক্ষতিসাধন হৈছে । ইপিনে বাতৰি সংগ্ৰহ কৰা সময়লৈকে প্ৰশাসনৰ ফালৰ পৰা কোনো ব্যৱস্থা গ্ৰহণ নকৰাৰ অভিযোগ একাংশ ৰাইজৰ ।