কাছাৰ, 9 মে' : কাছাৰ জিলাৰ লক্ষীপুৰ বাশকান্দি আৰক্ষীৰ জালত পৰিল ২৩৭ গ্ৰাম হেৰ'ইনৰ সৈতে এজন যুৱক । শনিবাৰে তিনি বজাত লক্ষীপুৰ মহকুমা আৰক্ষী বিষয়া পাৰ্থ প্ৰতিম দাস আৰু বাশকান্দি আৰক্ষীৰ অনুসন্ধান কেন্দ্ৰৰ ভাৰপ্ৰাপ্ত বিষয়া সঞ্জীৱ বৰা আৰু তেওঁৰ সহকাৰী দলৰ দ্বাৰা এক অভিযান চলোৱা হয় ৷ শিলচৰ সদৰ থানাৰ অন্তৰ্গত বদ্ৰীপাৰ অঞ্চলত আৰক্ষীয়ে জাহাংগীৰ আহমেদ চৌধুৰীৰ নামৰ যুৱকজনৰ পৰা তালাচী চলাই 237 গ্ৰাম হেৰ’ইন জব্দ কৰে ৷
কাছাৰত 237 গ্ৰাম হেৰ’ইনৰ সৈতে আটক এজন যুৱক
লক্ষীপুৰ আৰক্ষীয়ে গ্ৰেপ্তাৰ কৰা জাহাংগীৰ আহমেদ চৌধুৰীক লক্ষীপুৰ আৰক্ষী থানালৈ জেৰা কৰাৰ বাবে লৈ আহে ৷ গ্ৰেপ্তাৰ হোৱা জাহাংগীৰক লক্ষীপুৰ আৰক্ষী থানাত ১৪১/২১ এনডিপিএছ ২১ বি ধাৰাৰ অধীনত এটা গোচৰ ৰুজু কৰি সোধা-পোচ অব্যাহত ৰাখিছে ৷
লগতে পঢ়ক : বৰপেটাত ঈদ উপলক্ষে খাদ্য সামগ্ৰী বিতৰণ
