নলবাৰী, 7 আগষ্ট : ক’ৰণাৰ ভয়াৱহতাৰ মাজতে আন এক ভয়াৱহ খবৰে জোকাৰিছে নলবাৰী ৷ শেহতীয়াভাৱে নলবাৰীত বৃদ্ধি পাইছে HIVত আক্ৰান্ত ৰোগীৰ সংখ্যা ৷ মাত্ৰ কিছুদিন পূৰ্বে জিলাখনত সাত গৰাকীকৈ লোক আক্ৰান্ত হৈছে HIVত ৷ নলবাৰীৰ মুকালমুৱাত ঘৰ সাতোগৰাকী লোকৰ ৷
মাত্ৰ এটা দিনতে সাত জনকৈ লোক HIV পজিটিভ ৰোগীৰ তথ্য পোহৰলৈ অহাৰ পিছতে নলবাৰীত চলি থকা ড্ৰাগছ ব্যৱসায়ৰ ভয়াৱহ ছবিখন উন্মোচিত হৈছে ৷ জিলা স্বাস্থ্য বিভাগৰ তথ্য মতে বৰ্তমানলৈ নলবাৰীত 144 গৰাকী লোক আক্ৰান্ত হৈছে HIVত ৷
সম্প্ৰতি জিলাখনত আৰু বহু লোক এতিয়াও HIVৰ বাহক হৈ থকাৰ সন্দেহ কৰিছে স্বাস্থ্য বিভাগে ৷ ফলত নলবাৰীবাসীৰ বাবে এয়া এক ভয়াৱহ খবৰ ৷ যি কথা খোদ নলবাৰী জিলা এইচ কন্টোল ছচাইটিৰ ভাৰপ্ৰাপ্ত বিষয়া দ্বীপেন কুমাৰ দাসে সদৰি কৰিলে ইটিভি ভাৰতৰ সন্মুখত ৷
লগতে পঢ়ক:ভয়াৱহ সংকট: মিজোৰামত নাই পৰ্যাপ্ত ক’ভিড কিট, নাই খাদ্য
