নলবাৰী, 14 আগষ্ট : শিক্ষা বৃত্তিত নিয়োজিত নলবাৰীৰ এগৰাকী শিক্ষকৰ কৰুণ কাহিনী ৷ শিক্ষকতা মহান বৃত্তিত জড়িত হৈও আজি পৰ্যন্ত লাভ কৰা নাই উপযুক্ত সন্মান তথা স্বীকৃতি ৷ আনকি চৰকাৰৰ ফালৰ পৰাও এলাগী হৈ ৰৈছে শিক্ষকগৰাকী । নলবাৰীৰ এইগৰাকী শিক্ষক হৈছে হৰিচন্দ্ৰ কলিতা ।
মিলনজ্যোতি মধ্য ইংৰাজী বিদ্যালয়ত কাম কৰা নলবাৰী জিলাৰ সাহান বিষ্টুপুৰ গাঁৱৰ এইগৰাকী শিক্ষকে এতিয়া পেটৰ তাড়নাত কৰিবলগীয়া হৈছে আনৰ ঘৰে ঘৰে মিস্ত্ৰী যোগালিৰ কাম ৷
উল্লেখ্য যে,অপ্ৰাদেশীকৃত বিদ্যালয়খনত আজিও শিক্ষকতা বৃত্তিত নিয়োজিত হৈ আছে শিক্ষক হৰিচন্দ্ৰ কলিতা। চৰকাৰ আহিল,চৰকাৰ গ’ল কিন্তু যোৱা 28 বছৰে প্ৰাদেশীকৰণ নহ’ল উক্ত বিদ্যালয়খন । যাৰ বাবে উপায়ন্তৰ হৈ পৰিয়ালৰ পোহ পাল দিবলৈ কৰিবলগীয়া হৈছে ঘৰে-ঘৰে মিস্ত্ৰী যোগালিৰ কাম l আনকি কাম নকৰিলে ভোকে-লঘোণে থাকিবলগীয়া হৈছে পৰিয়ালটো । আনহাতে সন্তানক পঢ়াৰ উপযুক্ত যোগাৰ কৰি দিয়াতো ব্যৰ্থ হৈছে পিতৃগৰাকী ৷
লগতে চাওক-স্বাধীনতা দিৱস উপলক্ষে চিৰাঙত কটকটীয়া নিৰাপত্তা বেষ্টনী
