নলবাৰী,17 জুন:নলবাৰী জিলাৰ খাৰজাৰত বৃহস্পতিবাৰে সংঘটিত হৈছে এটা ভয়াবহ পথ দুৰ্ঘটনা(ACCIDENT) ৷ এখন স্কুটি আৰু চাৰিচকীয়া বাহন এখনৰ সৈতে হোৱা মুখামুখি সংঘৰ্ষৰ ফলতে সংঘটিত হয় দুৰ্ঘটনাটো ৷ পথ দুৰ্ঘটনাটোত গুৰুতৰভাবে আঘাতপ্ৰাপ্ত হয় স্কুটি আৰোহী মনিশংকৰ তালুকদাৰ ৷
উল্লেখযোগ্য যে, মনিশংকৰ তালুকদাৰ নামৰ এগৰাকী স্কুটি আৰোহীয়ে নলবাৰীৰ চামতা দিশৰ পৰা গৈ থকা অৱস্থাত নলবাৰী চহৰৰ পৰা চামতা দিশে অহা এখন চাৰিচকীয়া লঘু বাহনৰ সৈতে মুখামুখি সংঘৰ্ষ হয় ৷ অৱশ্যে দুৰ্ঘটনাটোত স্কুটি আৰোহী মনিশংকৰ তালুকদাৰ দুৰ্ঘটনাত গুৰুতৰভাবে আঘাত হয় যদিও কথমপি প্ৰানৰক্ষা পৰে স্কুটি আৰোহী গৰাকীৰ ৷
দূৰ্ঘটনা গ্ৰস্ত চাৰিচকীয়া বাহনখনৰ নম্বৰ হৈছে- AS14 J 9350 । আনহাতে স্কুটী খনৰ নম্বৰ হৈছে- AS14H 0995 । উক্ত ঘটনাটো স্থানীয় ৰাইজে আৰক্ষী (POLICE)ক অৱগত কৰে ৷ ঘটনাস্থলীত আৰক্ষী উপস্থিত হৈ তদন্ত অব্যাহত ৰাখিছে ৷
লগতে পঢ়ক-জীৱকূল তথা প্ৰকৃতিৰ বাবে অভিশাপস্বৰূপ বাঘজানৰ অগ্নিকাণ্ড
