নগাঁও, 28 জুন : নগাঁৱৰ আমোলাপট্টিত শ্বাসৰুদ্ধকৰ পৰিস্থিতি ৷ সোমবাৰে নিশা নগাঁও ছোৱালী মহাবিদ্যালয়ৰ সমীপৰ কলঙত জঁপিয়াই আত্মহত্যাৰ চেষ্টা কৰে ৰণি ঘোষ নামৰ এজন যুৱকে (Youth attempts to commit suicide) ৷
ঘটনা অনুসৰি নিশা ৰণিয়ে মহাবিদ্যালয়ৰ সন্মুখতে থকা পদসেঁতুত বহি থকা অৱস্থাত চিনাকি যুৱক এজনে দেখি মাত লগায় ৷ ৰণিক দেখি চিন্তিত অৱস্থাত থকা যেন লাগিছিল বুলি মন্তব্য কৰে যুৱকজনে ৷ যুৱকজন পাৰ হৈ যোৱৰ পিছতেই কলঙত জাঁপ দিয়ে ৰণিয়ে ৷ লগে লগে অঞ্চলটোত হাহাকাৰ পৰিস্থিতিৰ সৃষ্টি হয় ৷ ৰণিক মাত দি যোৱা যুৱকজনে ততালিকে ওচৰৰ লোকৰ সহায়ৰ বিচাৰি ৰণিক উদ্ধাৰ কৰিবলৈ কলঙত জাঁপ দিয়ে ৷
ইফালে স্থানীয়ে লোকে নগাঁও অগ্নিনিৰ্বাপক বাহিনীৰ কাৰ্যালয়ৰ লগতে SDRF ক খবৰ দিয়ে ৷ অতি কম সময়ৰ ভিতৰতে এছ ডি আৰ এফৰ দল আহি ঘটনাস্থলীত উপস্থিত হৈ নিশাই যুৱকজনক জীৱন্তে উদ্ধাৰ কৰিবলৈ সক্ষম হয় (youth rescued by SDRF) ৷
ইতিমধ্যে ঘটনাস্থলীত নগাঁও আৰক্ষীৰ (Nagaon police) এটা দল উপস্থিত হৈ ঘটনা সন্দৰ্ভত অনুসন্ধান আৰম্ভ কৰিছে ৷ কি অৱস্থাত তথা কি কাৰণত যুৱকজনে আত্মহত্যাৰ চেষ্টা কৰিলে সেয়া এই পৰ্যন্ত পোহৰলৈ অহা নাই যদিও পাৰিবাৰিক কন্দলৰ বাবেই যুৱকজনে আত্মহত্যাৰ চেষ্টা কৰা বুলি সন্দেহ প্ৰকাশ কৰিছে আৰক্ষীয়ে ৷
লগতে পঢ়ক : Mumbai Building Collapsed: মুম্বাইত অট্টালিকা খহি 5 জন আহত, বহু লোক আৱদ্ধ
