ৰূপহীহাট, ২৮ এপ্ৰিল: মংগলবাৰে নিশা ৰূপহীহাটত বনৰীয়া হাতীৰ তাণ্ডৱ । খাদ্যৰ সন্ধানত লাওঁখোৱা অভয়াৰন্যৰ পৰা ওলাই অহা এজাক বনৰীয়া হাতীয়ে তাণ্ডৱ চলাই লণ্ড-ভণ্ড কৰে সমগ্ৰ অঞ্চলটোত । গড়াজানৰ ফুটালজাৰ গাঁৱত কেবাটাও বাসগৃহৰ লণ্ড-ভণ্ড কৰাৰ লগতে পথাৰৰ শষ্য আদি নষ্ট কৰিছে ৩-৪ জনীয়া বনৰীয়া হাতীৰ জাকটোৱে ।
বিগত দিন ধৰি খাদ্যৰ সন্ধানত বনাঞ্চলৰ পৰা জনাঞ্চললৈ ওলাই আহি এইদৰে ঘৰ-দুৱাৰ ভাঙি লণ্ডভণ্ড কৰাৰ লগতে খেতি পথাৰৰো বিস্তৰ ক্ষতি সাধন কৰি আহিছে । এইক্ষেত্ৰত স্থানীয় ৰাইজে বন বিভাগৰ লোকক অৱগত কৰি আহিছে যদিও হাতীৰ জাকটোক খেদিবলৈ বৰ্তমানেও সক্ষম হোৱা নাই । নিতৌ হাতীৰ জাকটোৱে এইদৰে ত্ৰাস চলাই অহাত বিনীদ্ৰ ৰজনী কটাই আহিছে এইসকল লোকে ।
লগতে পঢ়ক: বৰপেটা জিলাত কৰ'ণাৰ দ্ৰুত সংক্ৰমণ
