নগাঁও, 24 আগষ্ট: শুকুৰবাৰৰ পৰা নগাঁৱৰ ঐতিহ্যমণ্ডিত আনন্দৰাম ঢেকিয়াল ফুকন মহাবিদ্যালয়ত তিনিদিনীয়া কাৰ্য্যসূচীৰে আৰম্ভ হৈছে দ্বিতীয় বাৰ্ষিক আন্তৰাষ্ট্ৰীয় চুটি ছবি আৰু তথ্যচিত্ৰ মহোৎসৱ ৷ চিনেমালয় ক্লাৱ আৰু চুটি ছবি নিৰ্মাতা খঞ্জন কিশোৰ নাথৰ বিশেষ আয়োজনত অনুষ্ঠিত হৈছে আন্তৰাষ্ট্ৰীয় মহোৎসৱত,য'ত অসম,ৰাছিয়া,জাপান,জাৰ্মানীকে আদি কৰি মুঠ 16 খন দেশৰ চুটি ছবি প্ৰদৰ্শিত হ'ব ৷ সমাজৰ সাম্প্ৰতিক পৰিস্থিতিৰ ওপৰত নিৰ্মিত এই চুটি ছবিসমূহে ছাত্ৰ ছাত্ৰীৰ মানসিক আৰু বৌদ্ধিক বিকাশৰ ক্ষেত্ৰত যথেষ্ট প্ৰভাৱ পেলাব পৰিচালক খঞ্জন কিশোৰ নাথে আশা প্ৰকাশ কৰে ৷ ইফালে অসমত চিনেমালয় আৰু খঞ্জন কিশোৰ নাথৰ প্ৰচেষ্টাক শলাগ লৈছে শংকৰদেৱ বিশ্ববিদ্যালয়ৰ উপাচৰ্যই ৷
নগাঁৱত আন্তৰাষ্ট্ৰীয় তথ্য চিত্ৰ আৰু চুটি ছবি মহোৎসৱ
