চামগুৰি, 30 অক্টোবৰ : বিজেপি নেতা মমিনুল আৱালক উভতি ধৰিলে বিজেপি নেতা মুক্তাৰ হুছেইন খানে । বি জে পিয়ে সংখ্যালঘু সম্প্ৰদায়ৰ পৰা সাত গৰাকী বিধায়ক নিৰ্বাচিত কৰি অনাৰ পৰিকল্পনা গ্ৰহণ কৰাত শংকিত হৈ উঠিছে মমিনুল আৱাল । এই অভিযোগ খোদ গেৰুৱা দলৰে নেতা মুক্তাৰ হুছেইন খানৰ । শেহতীয়াকৈ বিজেপি নেতা মমিনুল আৱালে অভিবাসী মুছলমানৰ বিৰুদ্ধে বিভিন্ন ধৰণে তুচ্ছ তাচ্ছিল্য কৰাৰ বিৰুদ্ধে গৰজি উঠিছে বি জে পিৰ সংখ্যালঘু মৰ্চাৰ ৰাজ্যিক সভাপতি মুক্তাৰ হুছেইন খান । প্ৰাক্তন বিধায়ক তথা বৰ্তমানৰ গেৰুৱা দলৰ নেতা মুক্তাৰ হুছেইন খানে ৰূপহী হাটত আয়োজিত এক দলীয় অনুষ্ঠানত অংশগ্ৰহণ কৰি এইদৰে মন্তব্য কৰে ।
মুক্তাৰ হুছেইন খানে কয় যে, 7 গৰাকী বিধায়ক সংখ্যালঘুৰ পৰা আহিব আৰু 14 গৰাকী বিজেপি বিধায়ক নিৰ্বাচিত কৰাৰ ক্ষেত্ৰত নিৰ্ণায়ক ভূমিকা ল’ব সংখ্যালঘু ভোটাৰে ৷ কিন্তু দললৈ সংখ্যালঘু লোকক আনিব নিবিচাৰে মমিনুল আৱালে ৷ আন সংখ্যালঘু লোকে যাতে বিজেপিত বিষয়বাব পাব নোৱাৰে তাৰ প্ৰতি আৱালে সদায় নজৰ ৰাখে আৰু বৰ্তমান তেওঁ শংকিত হৈছে বুলি কয় বিজেপি নেতাগৰাকীয়ে ৷ এইদৰে বিজেপি সংখ্যলঘু মৰ্চাৰ দুজন নেতাৰ মাজত মতবিৰোধ হোৱা ঘটনাই যথেষ্ট তাৎপৰ্য বহন কৰিছে ৷
লগতে পঢ়ক : সাৱধান ! অসমত আৰম্ভ হৈছে সাংস্কৃতিক জেহাদ
