কলিয়াবৰ,29 মাৰ্চ: শ্ৰীকৃষ্ণৰ ফল্গুৎসৱ সমগ্ৰ অসমৰ লগতে কলিয়াবৰৰ বিভিন্ন স্থানত পালন কৰা হৈছে । সেই উপলক্ষে কলিয়াবৰ জিলা সত্ৰ মহাসভা আৰু সমন্বিত যুৱ তীৰ্থ কলিয়াবৰৰ যুটীয়া উদ্যোগত দেওবাৰে দিনযোৰা কাৰ্যসূচীৰে শ্ৰীমাধৱ আতা সত্ৰৰ নামঘৰত অনুষ্ঠিত হয় এই উৎসৱ ৷
কলিয়াবৰত ফল্গুৎসৱ উদযাপন
কাৰ্যসূচী অনুসৰি, নাম-প্ৰসংগৰ পাছতেই সমন্বিত তীৰ্থই দুগৰাকী বিশিষ্ট শিল্পী ক্ৰমে হৰেন্দ্ৰ নাথ মহন্ত আৰু ভূমি ডেকাক সম্বৰ্ধনা জনায় । লগতে যুৱ তীৰ্থৰ অষ্টম সংখ্যক বাৰ্ষিক পত্ৰিকা 'আবিৰ-চন্দন' উন্মোচন কৰে অসম সাহিত্য সভাৰ নগাঁও আঞ্চলিক কাৰ্যালয়ৰ সম্পাদক মৃণাল কুমাৰ হাজৰিকাই । নিশা সমন্বিত যুৱ তীৰ্থৰ সদস্যসকলে শ্ৰীশ্ৰীনৃসিংহ যাত্ৰা ভাওনা পৰিৱেশন কৰে ।
লগতে পঢ়কঃ কোকৰাঝাত সদৰ আৰক্ষীৰ সজাগতামূলক পদযাত্ৰা
