চামগুৰি, 6 জানুৱাৰী : বুধবাৰে নগাঁৱত উন্মোচিত হ'ল ৰাজ্যৰ দৃষ্টিহীন লোকসকলৰ বাবে ৰচিত প্ৰথমখন অসমীয়া গ্ৰন্থ পোহৰ বিচাৰি (First Assamese book on specially abled people released) ৷
পুৰণিগুদামৰ ঐতিহাসিক কলঙৰ বাকৰিৰ পাৰঘাটত এই গ্ৰন্থখন উন্মোচন কৰা হয় (Book unveiling ceremony at Nagaon) ৷ এই গ্ৰন্থখন ৰচনা কৰে লেখক, অভিনেতা তথা দৃষ্টিহীন বিদ্যালয়ৰ অৱসৰপ্ৰাপ্ত শিক্ষক বুদ্ধিনাথ কলিতাই (Book Unveiling of Buddhinath Kalita) ৷ গ্ৰন্থখন উন্মোচন কৰে সাহিত্যিক পেঞ্চনাৰ, বিশিষ্ট গল্পকাৰ তথা জ্যেষ্ঠ সাংবাদিক ফণীন্দ্ৰ নাথ গায়নে ৷
বুধবাৰে অনুষ্ঠিত হোৱা অংগাভিনয় অসম শীৰ্ষক এক অনুষ্ঠানৰ গ্ৰন্থ উন্মোচনী সভাত উপস্থিত থাকি গ্ৰন্থখনৰ লেখক বুদ্ধিনাথ কলিতাই এই গ্ৰন্থখনত তেখেতৰ কৰ্মজীৱনৰ সৰহভাগ সময় দিব্যাংগ ছাত্ৰ-ছাত্ৰীসকলৰ লগত জড়িত থকাৰ বহুবোৰ অভিজ্ঞতা সন্নিবিষ্ট কৰা বুলি সদৰী কৰে ৷
লগতে দিব্যাংগ ছাত্ৰ-ছাত্ৰীসকলক সামাজিকভাৱে আগবঢ়াই নিবৰ বাবে প্ৰয়োজনীয় সজাগতাবোধ সকলোৰে মাজত জগাই তুলিবলৈ এই গ্ৰন্থখন লিখি উলিয়াই বুলি সংবাদ মাধ্যমৰ আগত মন্তব্য প্ৰকাশ কৰে লেখক বুদ্ধিনাথ কলিতাই ৷
উল্লেখ্য যে, নগাঁৱৰ বঢ়মপুৰ শ্ৰীমন্ত শংকৰ মিছন অন্ধ বিদ্যালত 1962 চনৰ পৰা কৰ্মৰত আছিল বুদ্ধিনাথ কলিতা ৷ প্ৰায় 25 বছৰ ধৰি বিদ্যালয়খনত কৰ্মৰত অৱসৰপ্ৰাপ্ত শিক্ষকগৰাকীয়ে সমাজত দিব্যাংগসকলৰ স্থান, তেওঁলোকৰ ভাৱধাৰা আদিও সন্নিৱিষ্ট কৰে গ্ৰন্থখনত ৷
এই অনুষ্ঠানতে অন্বেষা নামৰ আন এখন গ্ৰন্থও উন্মোচন কৰা হয় ৷ এই সভাত অঞ্চলটোৰ বহুকেইজন গণ্য-মান্য ব্যক্তি উপস্থিত থাকে ৷
লগতে পঢ়ক : Cheque Distribution in Dibrugarh : ডিব্ৰুগড়ত মুখ্যমন্ত্ৰীয়ে বিতৰণ কৰিলে ঋণ ৰেহাইৰ চেক
