কলিয়াবৰ, 20 আগষ্টঃ আজি মহাপুৰুষ শ্ৰীমন্ত শঙ্কৰদেৱৰ গুৰুজনাৰ তিৰোভাৱ তিথি ৷ সমগ্ৰ ৰাজ্যতেই ভকত-বৈষ্ণৱ সকলে তিৰোভাৱ তিথিটো পালন কৰিছে ৷ প্ৰতিটো নামঘৰেই গুৰুজনাৰ হৰি নামৰ ধ্বনিত মুখৰিত হৈ পৰিছে ৷ ঠিক একেদৰে নগাঁও জিলাৰ কলিয়াবৰৰ ভঁৰালী নামঘৰতো পালন কৰা হয় তিৰোভাৱ তিথি ৷
ইফালে মহাপুৰুষ শ্ৰীমন্ত শংকৰদেৱৰ পবিত্ৰ দিনটোতে কলিয়াবৰৰ ভঁড়ালী নামঘৰত উপস্থিত হয় পত্নী-পুত্ৰসহ প্ৰাক্তন মন্ত্ৰী তথা চামগুৰি সমষ্টিৰ বিধায়ক ৰকিবুল হুছেইন। গুৰুজনাৰ পূণ্য তিৰোভাৱ তিথিতেই নামঘৰত সেৱা জনাই ভকত বৈষ্ণৱৰ পৰা আৰ্শীবাদ লয় বিধায়ক ৰকিবুল হুছেইনে ।
উল্লেখ্য যে, প্ৰাক্তন মন্ত্ৰীজনে ইয়াৰ পূৰ্বে ভঁড়ালী নামঘৰত উপস্থিত হৈ নামঘৰ উন্নয়নৰ বাবে ১ লাখ টকা আগবঢ়োৱা হ'ব বুলি প্ৰতিশ্ৰুতি দিছিল । সেই উদ্দেশ্যে নামঘৰত উপস্থিত হৈ ৰকিবুল হুছেইনে ভড়ালী নামঘৰ উন্নয়নৰ বাবে ১ লাখ টকাৰ চেক নামঘৰ পৰিচালনা সমিতিক অৰ্পণ কৰে । তাৰোপৰি ৰাজীৱ গান্ধীৰ জন্মতিথি উপলক্ষেও নামঘৰ প্ৰাংগণত বৃক্ষ ৰোপণ কৰে বিধায়ক ৰকিবুল হুছেইনে ৷
