নগাঁও, 29 জুনঃ ব্ৰহ্মপুত্ৰৰ বাঢ়নী পানীত প্লাৱিত হৈছে কাজিৰঙা ৰাষ্ট্ৰীয় উদ্যানৰ বহু অঞ্চল ৷ ইতিমধ্যে নিৰাপদ স্থানলৈ ঢাপলি মেলিছে উদ্যানখনৰ জীৱ-জন্তু বোৰ ৷
ৰাজ্য খনত দীৰ্ঘ দিনৰে পৰা হৈ থকা নেৰা-নেপেৰা বৰষুণৰ ফলত ইতিমধ্যে বিভিন্ন জিলাত সৃষ্টি হৈছে ভয়ংকৰ বান পৰিস্থিতি ৷ ঠিক একেদৰে নগাঁও জিলাৰ কাজিৰঙা ৰাষ্ট্ৰীয় উদ্যান খনৰো বহু অংশ বানে বুৰাই পেলাইছে ৷ বানত ইতিমধ্যে হাহাকাৰ পৰিস্থিতিৰ সৃষ্টি হৈছে জীৱকুলৰ মাজত ৷ ইফালে নিৰাপদ স্থান বিচাৰি ইতিমধ্যে কাৰ্বি পাহাৰৰ দিশে ঢাপলি মেলিছে উদ্যান খনৰ জীৱ জন্তুবোৰে ।
আনহাতে, ৰাষ্ট্ৰীয় ঘাইপথ অতিক্ৰম কৰাৰ সময়ত বাহনৰ খুন্দাত এই পর্যন্ত মৃত্যুমুখত পৰিছে ৰাষ্ট্ৰীয় উদ্যানখনৰ তিনিটাকৈ হৰিণা পহুৰ লগতে উদ্ধাৰ হৈছে এটা এশিঙীয়া গঁড় ৷ লগতে কাজিৰঙা ৰাষ্ট্ৰীয় উদ্যানৰ বন কৰ্মীয়ে চাৰিটাকৈ হৰিণাৰ লগতে এডাল অজগৰ উদ্ধাৰ কৰিবলৈ সক্ষম হৈছে ।
লগতে পঢ়ক- বৰপেটাত বানৰ কবলত 1,35,415 গৰাকী লোক
