বঢ়মপুৰ, 4 আগষ্ট : শাওণৰ বলিয়া বানে কৃষকৰ সেউজীয়া সপোন উটুৱাই নি কঙাল কৰাৰ পাছত নিজ সমষ্টিৰ বানপীড়িত ৰাইজ তথা কৃষকৰ কাষত থিয় দিছে প্ৰাক্তন মুখ্যমন্ত্ৰী তথা বঢ়মপুৰ সমষ্টিৰ বৰ্তমানৰ বিধায়ক প্ৰফুল্ল কুমাৰ মহন্ত ৷ শনিবাৰে সমষ্টিটোৰ কামপুৰৰ অঞ্চলৰ কামপুৰ গাওঁ পঞ্চায়তৰ অন্তৰ্গত মহগৰীয়া আটিত কৃষি বিভাগৰ সহযোগত বানপীড়িত কৃষকৰ মাজত মহন্তই কঠিয়া বিতৰণ কৰে ৷ নগাঁও জিলা কৃষি বিষয়া অশোক শৰ্মা খাউন্দ আৰু পঞ্চায়ত সভাপতি নিৰঞ্জন বৰা উপস্থিতিত কৃষকসকলৰ মাজত সেউজ বিপ্লৱ আচনিৰ জৰিয়তে বিতৰণ কৰা হয় ৰঞ্জিত চাপ ১ ধানৰ কঠীয়া ৷ প্ৰাক্তন মুখ্যমন্ত্ৰী গৰাকীয়ে এইদৰে বিপদৰ সময়ত বানপীড়িত কৃষকৰ মাজত কঠিয়া বিতৰণ কৰা কাৰ্যক ৰাইজে শলাগ লৈছে ৷
বানপীড়িতৰ কাষত প্ৰাক্তন মুখ্যমন্ত্ৰী
