ৰূপহীহাট, 30 জানুৱাৰী: নগাঁও জিলাৰ লাওখোৱা অভয়াৰণ্যৰ পৰ্যটনস্থলী সুতিৰপাৰৰ কাটাখালত শনিবাৰে অসম গাওঁৰক্ষী বাহিনীৰ প্ৰতিষ্ঠা দিৱস উদযাপন কৰা হয় ৷ উক্ত দিৱসৰ প্ৰথম কাৰ্যসূচী হিচাপে পুৱা পতাকা উত্তোলন কৰা হয় ৷ পতাকা উত্তোলন কৰে জুৰীয়া আৰক্ষী থানাৰ গাওঁৰক্ষী বাহিনীৰ সভাপতি আৰছাদ আলী মৰলে।
পুৱা পতাকা উত্তোলন কৰাৰ পিছতে বিভিন্ন স্থানত কেইবাজোপাও বৃক্ষ ৰোপণ কৰে উদ্যোক্তা সকলে ৷ ইফালে উক্ত দিৱসৰ লগত সংগতি ৰাখি স্থানীয় ৰাইজৰ সহযোগত এখন বিশাল সাংস্কৃতিৰ শোভাযাত্ৰা উলিয়াই গাওঁৰক্ষী বাহিনীৰ জোৱান সকলে ৷
শোভাযাত্ৰাৰ অন্তত এখন মুকলি সভাৰো আয়োজন কৰে গাঁওৰক্ষী বাহিনীয়ে ৷ এই মুকলি সভাত উপস্থিত থাকে নগাঁও জিলাৰ আৰক্ষী অধীক্ষক গৌৰৱ অভিজিৎ দেৱ ৷ উক্ত মুকলি সভাত ভাষণ প্ৰদান কৰে আৰক্ষী অধীক্ষক গৌৰৱ অভিজিৎ দেৱে ৷ এই প্ৰতিষ্ঠা দিৱসৰ অনুষ্ঠানত স্থানীয় ৰাইজৰ লগতে শতাধিক গাঁওৰক্ষী বাহিনীৰ লোকে অংশ গ্ৰহণ কৰে ৷
লগতে পঢ়ক- বদৰুদ্দিন আজমল চৰম সাম্প্ৰদায়িক মানুহ: আমিনুল হক লস্কৰ
