নগাঁৱত 12 বছৰীয়া কিশোৰীক বলাৎকাৰ

নগাঁও জিলাৰ কঠিয়াতলী অঞ্চলৰ গৰুবন্ধাত ঘৰত কোনো নথকাৰ সুযোগ লৈ এগৰাকী ১২ বছৰীয়া কিশোৰীক বলাৎকাৰ কৰে ঘন কুৰ্মী নামৰ এজন ব্যক্তিয়ে ৷ ইতিমধ্যে আৰক্ষীয়ে অভিযুক্ত ঘন কুৰ্মীক গ্ৰেপ্তাৰ কৰিছে ৷ সম্প্ৰতি  কিশোৰী গৰাকী নগাঁৱৰ চিকিৎসালয়ত চিকিৎসাধীন হৈ আছে ৷

নগাঁও, 4 আগষ্ট : নগাঁও জিলাৰ কঠিয়াতলী অঞ্চলৰ গৰুবন্ধাত এগৰাকী ১২ বছৰীয়া কিশোৰীক বলাৎকাৰ কৰে ঘন কুৰ্মী নামৰ এজন ব্যক্তিয়ে ৷ ঘটনা অনুসৰি শুকুৰবাৰে দুপৰীয়া কিশোৰী গৰাকীৰ পিতৃ-মাতৃ পথাৰলৈ যোৱাৰ পূৰ্ণ সুযোগ গ্ৰহণ কৰি অভিযুক্ত ঘন কুৰ্মীয়ে সংঘটিত কৰে এই জঘন্য কাণ্ড ৷ পিছত পিতৃ-মাতৃ ঘৰ আহি উপস্থিত হোৱাৰ পাচতেই কিশোৰী গৰাকীয়ে সকলো কথা ভাঙি-পাতি কোৱাত ঘটনাটো পোহৰলৈ আহে ৷ কিশোৰী গৰাকীৰ মাতৃয়ে ঘটনা সন্দৰ্ভত কঠিয়াতলী থানাত এজাহাৰ দাখিল কৰে ৷ ইতিমধ্যে এজাহাৰৰ ভিত্তিত আৰক্ষীয়ে অভিযুক্ত ঘন কুৰ্মীক গ্ৰেপ্তাৰ কৰিছে ৷সম্প্ৰতি কিশোৰী গৰাকী নগাঁৱৰ চিকিৎসালয়ত চিকিৎসাধীন হৈ আছে ৷