টীয়ক, 6 জুলাই : অসম চৰকাৰে উদ্যোগ স্থাপনৰ বাবে সাধাৰণ কৃষকৰ মূৰত মাধমাৰ শোধাই কেবিনেটত গ্ৰহণ কৰা সিদ্ধান্তৰ বিৰুদ্ধে টীয়কত কৃষক মুক্তি সংগ্ৰাম সমিতিয়ে প্ৰতিবাদ সাব্যস্ত কৰে ৷ অসমত উদ্যোগৰ ক্ষেত্ৰত সকাহ দিয়াৰ নামত অসম চৰকাৰে লোৱা কেবিনেট সিদ্ধান্তৰ বিৰোধিতা কৰি টীয়কৰ ৰাজহ চক্ৰ বিষয়া কাৰ্যালয়ৰ সন্মুখত কৃষক মুক্তি সংগ্ৰাম সমিতি যোৰহাট জিলা সমিতিয়ে অনশন কাৰ্যসূচী গ্ৰহণ কৰে ৷
কৃষক মুক্তি সংগ্ৰাম সমিতিয়ে চৰকাৰৰ হঠকাৰী সিদ্ধান্ত বাতিল কৰাৰ দাবী জনাইছে । উদ্যোগ স্থাপনৰ নামত খিলঞ্জীয়াৰ হাতত থকা ভূমি অনা অসমীয়াই কোনো কাৰণতে যাতে ক্ৰয় কৰিব নোৱাৰে তাৰ বাবে প্ৰয়োজন হ'লে তীব্র গণ আন্দোলন গঢ়ি তোলাৰ হুংকাৰ দিছে সংগঠনটোৱে । উল্লেখযোগ্য যে, বৰ্তমান কৃষক নেতা অখিল গগৈৰ স্বাস্থ্যৰ উন্নত চিকিৎসাৰ বাবে দাবী জনোৱাৰ লগতে অনতি পলমে বিনা চৰ্তত মুক্তি দিবলৈ অনশনস্থলীৰ পৰাই দাবী জনাইছে সংগঠনটোৱে । ইতিমধ্যে জেলত থকা অখিল গগৈৰ স্বাস্থ্যৰ অৱস্থা অধিক অৱনতি ঘটিছে বুলি জানিব পৰা গৈছে ৷
লগতে পঢ়কঃ নতুন ভূমি নীতিৰ বিৰোধিতাৰে শিৱসাগৰত অনশন কাৰ্যসূচী
