যোৰহাট,৭মাৰ্চ: বৃহস্পতিবাৰে যোৰহাটত অত্যাধুনিক মাছ বজাৰ গৃহ নিৰ্মানৰ আধাৰশিলা স্থাপন কৰে বিধানসভাৰ অধ্যক্ষ হিতেন্দ্ৰ নাথ গোস্বামীয়ে । যোৰহাটৰ নিউ ভিল ৰোডৰ প্ৰায় শতিকা গৰকা মাছ বজাৰখনৰ পুৰণি কলীয়া ভৱনটোৰ ঠাইত নিৰ্মাণ কৰা হ'ব এই প্ৰায় ৫ কোটি টকা ব্যয় সাপেক্ষে ৭ মহলীয়া অত্যাধুনিক মাজ বজাৰৰ গৃহটো । পাৰ্কীঙৰ সুবিধাৰ লগতে বাতানুকূল গৃহ, ৰেম্প, লিফ্টৰ সুবিধা থাকিব এই গৃহটোত । যোৰহাটৰ বিধায়ক তথা বিধানসভা অধ্যক্ষ হিতেন্দ্ৰ নাথ গোস্বামীয়ে মাছ বজাৰ গৃহৰ নিৰ্মাণৰ শুভ উদ্ধোধন কৰি ১৮ মাহৰ ভিতৰত নিৰ্মান কাৰ্য সম্পূৰ্ণ হৈ উঠিব বুলি আশ্বাস প্ৰদান কৰে ।
যোৰহাটত অত্যাধুনিক মাছ বজাৰ গৃহৰ আধাৰশিলা
আনহাতে অত্যাধুনিক মাছ বজাৰৰ গৃহটোৰ ফলত মস্য ব্যৱসায়ীসকলৰ বহু দিনীয়া সমস্যাৰ সমাধান হোৱাৰ লগতে যোৰহাটৰ ৰাইজে এখন সম্পূৰ্ণ পৰিষ্কাৰ আৰু বিজ্ঞান সন্মত বজাৰ লাভ কৰিব বুলিমন্তব্য কৰে অধ্যক্ষ গৰাকীয়ে ।
