গুৱাহাটী, 30 ছেপ্টেম্বৰ: ৰাজ্যৰ ক্ৰিকেটপ্ৰেমী এতিয়া ক্ৰিকেট জ্বৰত আক্ৰান্ত । গুৱাহাটীৰ বৰ্ষাপাৰা ষ্টেডিয়ামত ২ অক্টোবৰত অনুষ্ঠিত হ'ব ভাৰত আৰু দক্ষিণ আফ্ৰিকাৰ মাজত আন্তঃৰাষ্ট্ৰীয় টী-২০ ক্ৰিকেট খেল(India and South Africa T20 match) । ক্ৰিকেটৰ এই পৰিৱেশৰ মাজত 'লাইভ' খেল চোৱাৰ মন মেলিছে জনপ্ৰিয় কণ্ঠশিল্পী জুবিন গাৰ্গে ।
অৱশ্যে জুবিন গাৰ্গে কেতিয়াও 'লাইভ' ক্ৰিকেট খেল উপভোগ কৰা নাই । এই কথা তেওঁ নিজে সদৰি কৰিছে (Zubeen Garg react on cricket) । শুকুৰবাৰে গুৱাহাটীত ক্ৰিকেট সন্দৰ্ভত সাংবাদিকে সোধা প্ৰশ্নৰ উত্তৰত স্বভাৱসুলভ ভংগীমাৰে জুবিন গাৰ্গে কয় যে মই ফুটবল বেছি চাওঁ । ক্ৰিকেট লাইভ কেতিয়াও চোৱা নাই । বহুতে তেওঁক ক্ৰিকেট চোৱাৰ কথা কৈ আছে বুলি সদৰি কৰি তেওঁ কয় যে, গুৱাহাটীত খেল আছে যেতিয়া সুবিধা পালে চাম ।
ভাৰতীয় ক্ৰিকেট দলৰ সন্দৰ্ভত তেওঁ কয় যে, ভাৰতীয় দলটো আপ-ডাউনৰ মাজত থাকে । কেতিয়াবা ভাল খেলে আৰু কেতিয়াবা বেয়া খেলে । বতৰ ভাল হ'লে খেলা ভাল হ'ব নহ'লে 'তেল' হৈ যাব বুলি তেওঁ ৰসিকতা কৰে ।
লগতে পঢ়ক: মহানগৰীত ক্ৰিকেটৰ জ্বৰ: গুৱাহাটী পালেহি ভাৰত আৰু দক্ষিণ আফ্ৰিকাৰ ক্ৰিকেট দল
